Pay. Iyun 27th, 2019

Kar24.uz

Биз ёзишдан олдин ўйлаймиз

Қарақалпақстанда химия, химиялық-технология, нефть-газ ҳәм жеңил-санаат тараўлары раўажланыўының әҳмийетли машқалалары қандай?

          Усы жылдың 24-апрель күни Бердақ атындағы Қарақалпақ мәмлекетлик университети Химия-технология факультетинде «Қарақалпақстан Республикасында химия, химиялық-технология, нефть-газ ҳәм жеңил-санаат тараўлары раўажланыўының әҳмийетли машқалалары»на бағышланған Республика илимий-әмелий конференциясы болып өтти. Онда усы тараў бойынша университетимиздиң ҳәм Республикамыздың бир қатар ўалаятларынан илим менен шуғылланып атырған профессор оқытыўшылар ҳәм зийрек студентлер қатнасты. Күнниң биринши ярымында университеттиң Мәденият сарайында конференцияның ашылыў мәресими болып өтти. Конференцияны университет ректоры А.Реймов хызмет сапарында болғанлығы себепли университеттиң илимий бөлим баслығы К.Алланазаров  ашып берди ҳәм алып барды. Конференцияда төмендеги жөнелислер бойынша баянатлары тыңланды ҳәм додаланды:

  1. Ғәрезсизлик жылларында Республика раўажланыўында химия ҳәм химиялық технологияның хызметине заманагөй көз қарас;
  2. Нефть ҳәм газ тараўы: кеше ҳәм бүгин;
  3. Республикада жеңил ҳәм тоқымашылық санааты раўажланыўы
  4. Химия, химиялық технология, нефть газ, жеңил ҳәм тоқымашылық санаатының раўажланыўында машқалаларды шешиўде Жоқары билимлендириўдиң орны;

         Күнниң екинши ярымында қатнасыўшылар 4 секцияға бөлинип, белгиленген орынларда илимий жумысларының презентацияларын өткерди. Олар тийкарынан тараўлардағы машқалалар, олардың келип шығыў себеплерине айрықша итибар қаратып, оларды сапластырыў мәселелери бойынша пикир-усынысларын билдирди. Конференцияда қатнасыўшылар өзлерин қызықтырған сораўларына жуўаплар алды. Соң конференция жуўмағы бойынша есабатлар тыңланды.

                                                                       Гөззал Жалгасова

                                

Social media & sharing icons powered by UltimatelySocial