Журналистик суриштирувИнтервьюМақолаларПост хабарФотофактЯнгиликлар

Хожелиге рәсмий жуўап: Фермер хожалығының ѳз басымшалық пенен салы еккенлиги, суў лимити мәселеси Экология комитети ӯазыпасына кирмейди


Хожели районы ҳәкимлигиниң Баспа сөз хызмети тәрепинен халыққа видео мүрәжат етип, видео мүрәжатда бир неше мәмлекетлик басқарыў органларынан тысқары Экология комитетиниң нызамға қайшы ҳәрекетлери деп бир неше жалаларды келтирип өткен, нызам талапларға сүйенген ҳалда төмендегилер анықланды.

  1. Мүрәжат ҳәм қосымша етилген видео сёмкада “Рашид Шарӯа” фермер хожалығы тәрепинен ѳз басымшалық пенен салы егинин егип сол аймақта турыӯшы пуқаралардың үйиниң әтирапын суў басып кеткенлиги, рухсат болмасада суў алып кеткенлиги бойынша пуқараның участкасына бир неше ақ тереклерге жәбир келгенлиги экология комитети ҳеш қандай шара қолланбағаны ҳаққында шағым еткен.
    Фермер хожалығы тәрепинен егинлер егилиӯин жайластырыӯ, суӯ лимитин ажратыӯ соның менен бирге фермер хожалығы тәрепинен бул мәселеде ѳз басымшалық еткени ушын жуӯапкершилик белгилеӯ Экология комитети ӯазыпасына киритилмеген. Бул тараӯдағы жумысларды қадағалап барыӯ район ҳәкимлиги жанындағы аӯыл хожалығы бѳлими, суӯ инспекциясы ҳәм агро инспекция мәкемелерине жүклетилген.
    Сонлықтанда биринши нәӯбетте “Рашид Шарўа” фермер хожалығы тәрепинен салы егинин егиўге, суў алыўға ким рухсат берген,суў қалай алынған сыяқлы сораўларға Экология комитети жуўап бере алмайды.
    Өзбекстан Республикасы “Фермер хожалығы ҳаққында”ғы нызамның 15 статьясында “фермер хожалығының суўдан пайдаланыӯда оларға хызмет кѳрсетиӯши суӯ тутыныӯшылары шѳлкемлери тәрепинен белгиленетуғын суӯ объектлеринен суӯ алыӯ лимитлери тийкарында белгиленген тәртипте әмелге асырылады”деп белгиленген. Яғный суўды пайдаланыў ушын лимит алады. Арнаўлы лимит алғанан кийин ол суў хожалығы менен шәртнама дузеди. Усыған муўапық фермер хожалықтың шәртнамасы болмаса лимит болмаса суўды ала алмайды. Суўды алыў тәртибине итибар беретуғын болса нызамшылықта анық тәртиплери белгиленген. Суӯды алыӯ тартиби қандай белгиленген аудит тийисли суӯ хожалық инспекциялары аӯыл хожалық мекемеси қатнасында талон менен жазылып талон менен ашылады. Ашылыӯ ӯақтында ҳәм жаӯылыӯында талон бериледи. Егер ондай болмайтуғын болса ҳеш қандай суӯ берилмейди. Суӯ тармақларында район фермер хожалығы суӯ жетиспегенлик бойынша тартыслар келип шықпақта. Бул машқала Хожели районындада жоқ болыӯ мүмкин емес. Фермер хожалығы ҳәдден тыс суӯдан пайдаланғаны ушын ҳәкимияттағы аӯыл хожалығы бойынша ҳәким орынбасары оннан басқа қысқартып айтқанда агро инспекция тиккелий жуӯапкер болады. Себеби суӯды ашыӯда усы инспекция рухсатысыз ҳеш ким суӯ ашып бере алмайды. Бул жерде ѳзлериниң арасында нызалар келип шыққаны белгили. Аӯыл хожалығы егинин артықша суӯғарыӯдан жәбир кѳрген пуқаралардың тереклериниң ѳлиӯине себепши болған жағдайға жуӯапкершилик кѳрсетилмеген. Себеби сол тереклердиң ѳлиӯине себепши болған, ҳәкимият ҳәм агро инспекция суӯды нызамсыз берилиӯине, суӯдың пухараға дийин барыӯына шекем шараят жаратып берген.
    Соныда айтып ѳтилиӯи керек экология комитети Министирлер Кабинетиниң 290-санлы қарарының 1-қосымшасында келтирип ѳтилген үй алды, жеке бағлар ҳәм тамарқа жерлеринде пайдаланып атырған тереклер ҳәм путаларға рухсат бериӯ тәртиби қолланылмайды. Сонлықтан экология комитети жуӯапкершилик белгилеӯ хуқықына ийе емес егер Баспа сөз хызмети усы нызамларды оқығанда халық арасында ҳәр қыйлы тусиниклерди келтирип шығатуғын мағлыӯматлар тарқатылмаған болар еди.
  2. “Хожели Гербиш Заводи” МЧЖ пискен гербиш ислеп шығарыӯ мақсетинде Хожели районы ҳәкиминиң 2016-жыл 3-декабрь күнги 1175/12-санлы қарары менен топрақ каръери ушын 5 (бес) жыл мүддетке ажратылған жәми 5,5 га соннан 5,4 га жайлаӯлар, 0,1 га жол ҳәм шел асты жер майданлары. Буннан тысқары үйрениӯ даӯамында район ҳәкимлиги тәрепинен дүзилген исши топар ағзаларының 2020-жыл 7-июль күнги баянламасына тийкар (128 х 16 м) 0,2048 га район заҳира жер фондында турған жер майданларынан топрақ қазып алынғанлығы анықланған.

Нәтийжеде, Ѳзбекстан Республикасы Ҳәкимшилик жуӯапкершилик ҳаққындағы Кодексиның 65-статьясының 1-бѳлиминиң талаблары бузылған. Ҳәкимшилик жуӯапкершилик ҳаққындағы Кодексиның 2457-статьясына тийкар усы кодекстиң 65-статьясының 1-бѳлими бойынша исти кѳрип шығыӯ ӯәкилиги Агроинспекцияға берилген.

Қарақалпақстан Республикасы Экология ҳәм қоршаған орталықты қорғаў комитети мәлимлеме хызмети

You may also like

Comments are closed.