Янгиликлар

Әмудәрья районындағы «Каринтиндеги той» деп аталып социаллық тармақларға тарқалған видео бойынша расмий мағлыўмат

2020-жыл 05-сентябрь күни Әмудәрья районы Әмудәрья АПЖ Гөне бас суў маҳаллеси №275-жайда жасаўшы М.А исимли пуқараның баласы К.Ў диң үйленген тойында келин куйеў ҳәм оның жора жолдаслары той сийилине шығыў мақсетинде усы АПЖ аймағынан өтиўши ишки айланба жолында 6 каптива маркалы автомашина 1 малибу маркалы автотранспорт қуралы 1 лассети маркалы ҳәмде 1 матиз маркалы автотранспорт қураллары той сийилинде топарласып автотранспорт қуралларын басқарып жол ҳәрекети қағыйдаларына әмел етпегенлиги ҳәмде Н.Ж исимли пуқара машинаның жоқарғы (люк) бөлегинен денесин шығарып жол ҳәрекети қағыйдаларын қопал түрде бузған. Бул ўақия сол жерден өтип баратырған пуқаралар тәрепинен қол телефонына түсирип алынып, социаллық тармақларға тарқатып жиберген бул айдаўшыларға шара көриў мақсетинде Қарақалпақстан Республикасы Ишки ислер Министирлиги Жол ҳәрекети қаўипсизлиги басқармасының ЖПХО 2-көшпели топар хызметкерлери тәрепинен Өзбекстан Республикасы Ҳәкимшилик жуўапкершилик ҳаққындағы кодекисиниң 129-статиясына тийкар ҳәкимшилик шара көрилип автотранспорт қураллары ўақтынша сақлаў жәрийма майданшасына қойылды.

Қарақалпақстан Республикасы ИИМ
ЖҲҚБ Мәлимлеме хызмети

You may also like

Comments are closed.