Янгиликлар

Жаслар ислери агентлигиниң Тақыятас районлық бөлими баслығы тайынланды

2019-жыл 27-декабрь күни Президентимиз Шавкат Миромонович Мирзиёев басшылығында өткерилген Республикамыз жаслары менен ушырасыўда Ɵзбекстан жаслар аўқамы системасы қайта шөлкемлестирилиўи, жаңадан Ɵзбекстан Республикасы Жаслар ислери агентлигин шөлкемлестириў бойынша усыныс киритилген еди, мине усы тийкарда 2020-жыл 30-июнь күни Өзбекстан Республикасында жасларға тийисли мәмлекетлик сиясатты түптен жаңалаў ҳәм жаңа басқышқа алып шығыў ис-илажлары ҳаққында 6017-санлы ПП ҳәм Өзбекстан Республикасы жаслар ислери агентлиги искерлигин шөлкемлестириў ҳаққында 4768-санлы қарарын имзаланған еди.

Пәрман ҳәм қарарға тийкар жаслардың ҳуқықлары, еркинликлери ҳәм нызамлы мәплерин қорғаў, оларға социаллық-экономикалық тәрептен жәрдем көрсетиў, бәнтлигин тәмийинлеў, жасларға байланыслы күнниң әҳмийетли мәселелери, сондай-ақ жасларға тийисли мәмлекетлик сиясатты сыпатлы ҳәм мүддетинде әмелге асырыў мақсетинде Өзбекстан Республикасы жаслар ислери агентлиги Қарақалпақстан Республикалық басқармасы шөлкемлестирилди. Сондай-ақ, Өзбекстан Республикасы жаслар ислери агентлигиниң қала ҳәм районлық бөлимлери баслықларын тайынлаў бойынша Өзбекстан Республикасы жаслар ислери агентлиги ҚР басқармасына мүнәсип талабанлар усынылды.

Бүгин, 2020-жыл 16-сентябрь күни Тақыятас районы Ҳәкимият имәрәти залында Өзбекстан Республикасы жаслар ислери агентлигиниң Тақыятас районлық бөлими баслығын тайынлаў мәжилиси болып өтти.

Мәжилисте Өзбекстан Республикасы жаслар ислери агентлиги Карақалпақстан Республикалық басқармасы баслығы орынбасары Икрам Абдикаликов, Тақыятас районы ҳәкими Илхом Маткаримов ҳәм район белсенди жаслары, бир қатар мәкеме, шөлкемлер басшылары ҳәм ғалаба хабар қураллары ўәкиллери қатнасты.

Мәжилисти Тақыятас районы ҳәкими Илхом Маткаримов кирис сөз бенен ашты. Күн тәртибиндеги 1-мәселе бойынша, Өзбекстан Республикасы жаслар ислери агентлиги Карақалпақстан Республикалық басқармасы баслығы орынбасары Икрам Абдикаликов Өзбекстан Республикасы жаслар ислери агентлиги Тақыятас районлық бөлими баслығына усынылған кандидатуралардан мүнәсип талабан Иномжон Балтабаевды тайынлады.

Мәжилис, жыйналған белсенди жаслардың жаңадан сайланған Иномжон Балтабаев ҳаққындағы унамлы пикир ҳәм усыныслары менен жуўмақланды.

You may also like

Comments are closed.