Мақолалар

Жазаны өтеў тәртип-қағыйдаларына әмел еткен ҳәм мийнетке ҳадал мүнәсибетте болған шахс суд ҳүкими менен тайынланған жазасынан мүддетинен алдын азат етилди

Өзбекстан Республикасы Жынаят кодекси 73-статьясының
2-бөлиминде «жазадан өтеўден мүддетинен алдын шәртли рәўиште азат етиў белгиленген жаза түрлери ушын орнатылған тәртип-қағыйда талапларын орынлаған ҳәм мийнетке ҳадал мүнәсибетте болған судланған шахсларға қолланатуғынлығы», 3-бөлимниң «а» бәнтинде, «жәмийетлик қәўипи үлкен болмаған яки онша аўыр болмаған жынаят ушын, суд тайынланған жаза мүддетиниң кеминде үштен бир бөлегин өтеп болғаннан соң жаза өтеўден мүддетинен алдын шәртли рәўиште азат етиўи мүмкинлиги» нәзерде тутылған.
ЖИБ Нөкис қалалық судында 2020-жыл 17-июль күни Нөкис қалалық ИИО пробация топары тәрепинен киритилген ЖИБ Шымбай район судының 2019-жыл 02-октябрь күнги ҳүкимине тийкар Өзбекстан Республикасы ЖКниң 266-статьясы 1-бөлими менен ис ҳақының 20 пайыз муғдарын мәмлекет пайдасына услап қалған ҳалда 2 жыл мүддетке дүзетиў ислери жазасына судланған Р.Е.ты жазасының өтелмеген бөлегинен Өзбекстан Республикасы ЖКниң 73-статьясына тийкар шәртли түрде азат етиў ҳаққындағы усынысы көрип шығылып, судланған Р.Е. суд ҳүкими менен белгиленген дүзетиў ислери жазасының үштен бир бөлегин өтегени, жаза өтеў дәўиринде жазаны өтеў-тәртип қағыйдаларды бузбағаны, жасаў ҳәм жумыс орнынан жақсы минезлемелерге ийе екени есапқа алынып, Нөкис қалалық ИИО пробация топары тәрепинен киритилген усыныс қанаатландырылып, судланған Е.Р. суд ҳүкими менен тайынланған дүзетиў ислери жазасының өтелмеген 1 жыл 4 ай мүддетинен Өзбекстан Республикасы Жынаят кодекси 73-статьясы 3-бөлими “а” бәнтине тийкар мүддетинен алдын шәртли рәўиште азат етилди.

Д.Сражатдинов
Жынаят ислери бойынша
Нөкис қалалық судының судьясы

You may also like

Comments are closed.