Мақолалар

Жазаны өтеп келип тийисли жуўмақ шығармаған шахс ҳәкимшилик бақлаўға алынды

Өзбекстан Республикасының 2019-жыл 2-апрель күнги «Жазаны орынлаў колонияларынан босатылған айырым тайпадағы шахслар үстинен ҳәкимшилик бақлаўы ҳаққында»ғы Нызамының 6-статьясында, усы Нызамның 8-статьясының биринши бөлиминде нәзерде тутылған тийкарлар болған жағдайда төмендеги ер жетген шахсларға, яғный суд тәрепинен өте қәўипли рецидивист деп табылған; аўыр яки өте аўыр жынаятлар сәдир еткенлик ушын еркинен айырыўға ҳүким етилген; ҳәр қандай қасттан қылынған жынаятлар ушын еки ямаса оннан артық мәрте еркинен айырыўға ҳүким етилген; Өзбекстан Республикасы Жынаят кодексине тийкар аўыр яки өте аўыр жынаят есапланатуғын қылмысларды сәдир еткенлик ушын басқа мәмлекет аймағында еркинен айырыў тәризиндеги жазаны өтеген шахсларға қарата суд тәрепинен ҳәкимшилик бақлаўы орнатылыўы мүмкинлиги нәзерде тутылған.
Нөкис қалалық ИИО ЖМБ 1-сан ИИБ тәрепинен киритилген усынысқа көре, судланған Е.Н. еркинен айырыў жазасын өтеп келгеннен кейин өзине тийисли жуўмақ шығармастан 2020-жыл 26-август күни саат 20:30 ларда Нөкис қаласы Ибн Сина көшесинде жәмийетлик орында спиртли ишимлик ишип отырғаны ҳалаты анықланып, профилактика инспекторы тәрепинен Өзбекстан Республикасы ҲЖҳКниң 187-статьясы
1-бөлиминде көрсетилген ҳуқықбузарлықты сәдир еткенлиги ушын базалық есаплаў муғдарының 1/2 (екиден бир) есеси, яғный 111.500 сўм жәриймаға тартылған, соның менен бирге судланған Е.Н. 2020-жыл
27-август куни саат 10:00 лерде Нөкис қаласы Қызкеткен гузары көшесинде белгиленбеген жәмийетлик орында темеки шегип отырғанлығы ҳалаты анықланып, профилактика инспекторы тәрепинен ҲЖҳКниң
561-статьясында нәзерде тутылған ҳуқықбузарлықты сәдир еткенлиги ушын базалық есаплаў муғдарының 1/3 есеси муғдарында 74.333 сўм жәриймаға тартылған.
Нөкис қалалық ИИО ЖМБ 1-сан ИИБ тәрепинен жоқарыдағы ҳалатларды ҳәм судланған Е.Н.тың шахсын ҳәм минез-қулқын есапқа алып, келешекте оның басқа ҳуқықбузарлық ҳǝм жынаят сǝдир етиўиниң алдын алыў ҳǝм унамлы тǝрепинен жǝмийетшиликке кириўин тǝмийинлеў мақсетинде оның қарсысына ҳәкимшилик бақлаў орнатыў усыныс етилген.
Суд усынысты 2020-жыл 27-август күнги суд мәжилисинде ис ҳүжжетлери менен бирге көрип шығып, судланған Е.Н. еркинен айырыў жазасын өтеп келгеннен соң өзине тийисли жуўмақ шығармастан ҳуқықбузарлықлар сәдир етип келгенин, оның судланғанлық ҳалаты тамамланбағанын итибарға алып, сондай-ақ судланған Е.Н.тың келешекте басқа ҳуқықбузарлық ҳǝмде жынаят сǝдир етиўиниң алдын алыў мақсетинде ҳǝм унамлы тǝрепинен жǝмийетшиликке кириўин тǝмийинлеў мақсетинде Өзбекстан Республикасының 2019-жыл 2-апрель күнги «Жазаны орынлаў колонияларынан босатылған айырым тайпадағы шахслар үстинен ҳәкимшилик бақлаўы ҳаққында»ғы Нызамы талапларына тийкар Нөкис қалалық ИИО ЖМБ 1-сан ИИБ тәрепинен киритилген усыныс қанаатландырылып, судланған Е.Н. қарсысына 6 ай мүддетке ҳәқимшилик бақлаўы тийисли шеклеўлер менен бирге орнатылды.

Д.Сражатдинов
Жынаят ислери бойынша
Нөкис қалалық судының судьясы

You may also like

Comments are closed.