Янгиликлар

Қосымша поездлар қатнаўы шөлкемлестирилмекте

Қарақалпақстан Республикасының ең шетки аймағындағы Жаслық станциясына баратуғын жолаўшылар ушын қолайлық жаратыў мақсетинде усы жылдың октябрь айында қосымша жолаўшы поездларының қатнаўы әмелге асырылады.

484-санлы жолаўшы поезди 2020-жылдың 15-, 19-, 22-, 25-, 29- ҳәм 30-октябрь күнлери Ташкент орайлық вокзалынан саат 23:20 да жолға шығады. Усы поезд ҳәрекети даўамында Самарқанд, Бухара, Мискин, Қоңырат вокзаллары арқалы өтип, Жаслық станциясына шекем барады.

Жолаўшылар билетлерди “Өзбекстан темир жоллары” АЖ ниң e-ticket. railway.uz веб-сайты арқалы электрон формада да сатып алыўы мүмкин.

Қосымша мағлыўматларды Ташкент қаласындағы 1005 қысқа телефон номери, аймақлардағы темир жол кассалары хәмде мағлыўматлар бюросынан алыўы мүмкин.

Қ Р Транспорт министрлиги мәлимлеме хызмети

You may also like

Comments are closed.