Янгиликлар

Россиядан Өзбекстанға шөлкемлестирилип атырған арнаўлы поездларға электрон билетлер сатылмақта

COVID-19 коронавирус пандемиясы дәўиринде Россияда қалып кеткен жерлеслеримизди мәмлекетимизге алып келиў мақсетинде “Өзбекстан темир жоллары” АЖ тәрепинен арнаўлы поездлар қатнаўы жолға қойылған.
усы жыл октябрь айының 15, 18, 22, 25, 28 сәнелери хәмде 1, 2-ноябрь күнлери “Волжский-Ташкент” жөнелисинде поездлар қатнаўы әмелге асырылады. Бул поездлар Россияның Волжский қаласынан жүреди. Соны айтып өтиўимиз керек, арнаўлы поездларға тек ғана бир тәрепке, яғный “Волжский-Ташкент” жөнелисине билетлер сатылмақта.

Жерлеслеримизге билет сатып алыўда қолайлық жаратыў мақсетинде электрон билетлерди сатыў жолға қойылды.
Волжскийдағы пуқараларымыздың жақынлары Өзбекстанда турып “Өзбекстан темир жоллары” АЖ ниң веб сайты арқалы Волжскийдағы жерлеслеримизге жибериўи мүмкин.

Еслетпе: Бүгинги күнде пандемия себепли қоңсы Қазақстан Республикасы хәмде Россия мәмлекетлери шегара аймақлары ашылғаны жоқ. Соның ушын “Өзбекстан темир жоллары” АЖ тәрепинен Россия мәмлекетинде қалып кеткен пуқараларды елимизге алып келиў ушын арнаўлы поездлар шөлкемлестирилмекте. Бул поездларға тек ғана Россиядан Өзбекстанға келиў ушын билетлер сатылады.

Қосымша мағлыўматты Ташкент қаласындағы 1005 қысқа телефон номери, аймақлардағы темир жол кассалары хәм мағлыўматлар бюросынан билип алыўыңыз мүмкин.

Қ Р Транспорт министрлиги мәлимлеме хызмети

You may also like

Comments are closed.