Янгиликлар

Қарақалпақстан Республикасына мийнети сиңген илим ғайраткери Аманбай Отаров дүньядан өтти

Белгили алым, педагог, Қарақалпақстан Республикасына мийнети сиңген илим ғайраткери, Бердақ атындағы Қарақалпақ мәмлекетлик университети профессоры Аманбай Отаров дүньядан ѳтти. Қарақалпақстан Республикасына мийнети сиңген илим ғайраткери, профессор Аманбай Отаров 81 жаста еди.
А.Отаров 1939-жылы Қанлыкөл районының «Киндик өзек» дийқан-фермер хожалығында туўылған. Ол орта мектепти табыслы питкерип, 1958-жылы Қарақалпақ мәмлекетлик педагогикалық институтының Физика-математика факультетине оқыўға кирип, оны 1963-жылы табыслы питкерип шығады. 1974-жылы 8-январь күни Киев университети Кибернетика факультетиниң қәнигелестирилген илимий кеңесиниң мәжилисинде 01.01.07 — «Есаплаў математикасы» қәнигелиги бойынша  кандидатлық диссертациясын жақлап, математика илиминиң бул тараўы бойынша Қарақалпақстанда биринши илим кандидаты болды.
Ол 200 ден аслам илимий мақалалардың, жоқары ҳәм орта арнаўлы оқыў орынларына арналған сабақлықлар ҳәм оқыў әдебиятларының авторы да есапланады.
Марҳумның шаңарағы, жақынларына терең қайғырыў менен кеўил айтамыз.

You may also like

Comments are closed.