Мақолалар

“Үш группаға тарқатың! Ярым сааттан кейин 40000GB қа ийе боласыз”!.

Kar24.uz сайтына бир оқыўшыдан төмендеги мазмундағы хабар келди:
“Ҳүрметли, редакция! Мына хабар кешеден бери маған бесинши мәрте келиўи: “Bugun soat 6:00 dan 20:00 gacha Ucell, Beeline va Uzmobiledan akciya bolip o’tadi. Buni 3 ta gruppaga tarqating. Yarim soattan keyin 40000GB ga ega bolasiz. *999# terip GB tekshirip koring”. Бул гәп ҳақыйқат па? Егер рас болмаса, неге бундай мазмундағы хабарлар келе береди? Кимге пайда буннан?”…

Биз бул хабарды тексерип көриў мақсетинде байланыс компаниясы операторлары менен байланыстық. Олар тарқалған хабарды тастыйқламады. Демек, буннан көринеди, хабар өтирик. Енди жуўап беремиз, буны шығарыў кимге керек, қандай пайда ушын?
Бириншиден, бундай хабарлар социаллық тармақлардағы айырым каналлардың ойлап тапқан адам көбейтиў усылларынан бири есапланады. Канал ссылкасын хабар соңына жайғастырып, оны басқаларға жибереди. Адамлар бир бирине хабарды узатып, канал аудиториясы көбейиўи де мүмкин. Екиншиден, айырым хакерлердиң жасырын хызмети де болыўы итимал бул. Хабардың жалғанлығын дәлиллейтуғын және бир факт бул сол хабардың телефон номериңизге компания тәрепинен жиберилмегенлиги де… Сол ушын исениўге себеп жоқ сизде!
Мағлыўмат ушын, социаллық тармақларда да жалған хабар тарқатыўшыға қарата Ҳәкимшилик жаза белгиленген.

You may also like

Comments are closed.