Янгиликлар

Тахтакөпирге таза, ишимлик суўы бармақта яки енди “сағадағы да, аяқтағы да суў ишеди”…

Тахтакөпир районы республиканың орайынан 110 км қашықлықта жайласқан болып, халқы 21144 мыңнан аслам. Район ҳалқын таза ишимилик суўы менен тәмийнлеў бойынша бүгинги күнде салмақлы жумыслар әмелге асырылып атыр, деп хабар бермекте «Қарақалпақ суў тәмийнаты» ЖШЖ ниң Мәлимлеме хызмети.
2020-жыл «ООО РЕВЕРСТРОЙ» фирмасы тәрепинен смета баҳасы 1млрд. 170 млн сумлық Тахтакөпир район орайына таза ишимлик суўын жеткерип беретуғын, Суў бөлистириў бөлимине (УРВ) реконструкция жумыслары алып барылды. «Гранит монтаж строй» фирмасы тәрепинен 2020-жыл «Арал бойы аймағын раўажландлырыў» қоры есабынан Тахтакөпир районы суў тармақлары филиалына қараслы «Тахтакөпир лаборатория» имаратына сметалық баҳасы 1 млрд 705 млн сумлық ҳәм Тахтакөпир АПЖ аймағына қараслы «Пишенкөл» аўылындағы «Пишенкөл» насос станциясына ири оңлаў жумыслары алып барылды ҳәм де сол аймаққа таза ишимлик суў тармақларының узынлығы 5,2 км Д=110ммлик болған суў тармағы тартылды.
“Район орайынан алыста жайласқан «Жаңадәрья», «Маржанкөл», «Даўқара» АПЖ аймақларына Суў душшыландырыўшы (Экос) үскенелери орнатылды ҳәм де аймақ турғынларынынң таза ишимлик суўға болған талабы қанаатландырылды.
Сондай-ақ «Дәўир» ҳәм де «Айдын жол» МПЖ орайында жайласқан көшелерге 6,7 км суў тармақлары тартылып бүгинги күнде район халқының таза ишимлик пенен тәмийинениўи 62% процентке көбейди.
Исленип атырған бул жумыслар әлбетте, пуқаралардың турмыс дәрежесин асырыўда, олардың аўырын жеңил етиўде әмелге асырылып атырған әҳмийетли жумыслардың бири есапланады”, деп жазылмақта хабарда.
Ойлаймыз, исенемиз Тахтакөпирдиң барлық аймағы халқы таза ишимлик суўын ишиўге ҳақлы
Еле ишеди де…

You may also like

Comments are closed.