Мақолалар

Қарақалпақстан медицина институты тил байрамын нышанлады

Қарақалпақстан медицина институты Педиатрия иси, Медициналық биология ҳәм Жоқары мийирбийкелик иси факультети, институт Мәлимлеме ресурс орайы менен биргеликте 21-октябрь Өзбек тилине мәмлекетлик тил бийлиги берилгенлигиниң 31 жыл толыўы улыўма халықлық байрамы мүнәсибети менен «Она тили-миллат тимсоли» атамасында иләж өткерилди.
Иләжға Қарақалпақстан Республикасы руўхый-ағартыўшылық орайы бас қәнигеси Айбек Шерипбаев, Республикалық руўхый-ағартыўшылар жәмийети үгит-нәсиятлаўшылары Өзбекстан МТДП Қарақалпақстан Республикасы Кеңеси жетекши қәнигеси, юридика пәнлери кандидаты, Қарақалпақстан Республикасына хызмет көрсеткен юрист, Қабулов Хожабай Алдашевич, Хожели районы Қорғаныў ислери бөлими «Ветеранлар кеңеси» ағзасы Нуржанов Өсербай Орақбаевич, әскерий шыпакер аға лейтенант Жумағалиев Нурғали, Мәлимлеме ресурс орайы директоры Қ.Наўрызбаева ҳәм хызметкерлери, Педиатрия иси, медициналық биология ҳәм жоқары мийирбийкелик иси факультети деканы
А.Т.Сабирова, декан орынбасары Г. Қазақбаева, факультет профессор-оқытыўшылары ҳәм талаба-жаслары қатнасты. Иләжда өзбек тилине мәмлекетлик тил бийлиги статусы берилгенлигиниң тарийхый әҳмийети, раўажланыўы ҳәм жәмийетте тилдиң абройын жоқарылатыў бойынша әмелге асырылып атырған ис-иләжлар ҳаққында сөз етилип, талабалар тәрепинен таярланған өзбек тилинде ғәзел, рубайи ҳәм қосықлар атқарылды.

You may also like

Comments are closed.