Янгиликлар

Рәсмий: Барлық ҳәйкеллер естелик емес: “… “бала” “ана”ның қасында кишкене болып, көримсиз шыққан. Сол себепли, бул ҳәйкел пайдаланылмай, сол мәкеме ишинде қалып кеткен”

Жақында айырым социаллық тармақларда «Китап услаған бала» қараўсыз қалып кеткенлиги ҳақққында мағлыӯматлар тарқалған еди. Усы ҳәйкел бойынша Нөкис қаласы ҳәкимлиги қәнигелери тәрепинен үйрениў жумыслары алып барылып, нәтийжеде ол Шығыс МПЖда жайласқан бурынғы “Дағазалар бюросы” имаратыныӊ ишинде екенлиги анықланды.
Бирақ, бул ҳәйкел мәдений мийрас объекти сыпатында ҳеш жерде есапқа алынбаған, яғный, Нөкис каласыныӊ мәдений мийрас объектлери дизиминде көрсетилмеген. Мағлыўмат ушын, бул ҳәйкел Нөкис қалалық абаданластырыў басқармасы тарепинен 9 этажлы жайдың қасындағы «Халықлар дослығы» естелигиниң (еки ананың биреўин алып таслап, соны қоймақшы болған) қасына қойып, ана ҳәм бала образын сәӯлелендирмекши болған (Дағазалар бюросы тәрепинен исленген). Бирақ “бала” “ана”ның қасында кишкене болып, көримсиз шыққан. Сол себепли, бул ҳәйкел пайдаланылмай, сол мәкеме ишинде қалып кеткен.
Өзбекстан Республикасы Министрлер Кабинетиниӊ 1993-жыл 23-июнь күнги «Өзбекстан Республикасында естеликлер ҳәм монументлерди жойбарластырыў ҳәм де орнатыўды тәртипке салыў ҳаққында» ғы 305-санлы қарарына муўапық, Өзбекстан Республикасы аймағында уллы шахслардыӊ атына орнатылған естеликлер ҳәм монументлер таӊлаў тийкарында жойбарластырылады. Оларды орнатыў Қарақалпақстан Республикасы Министрлер Кеӊеси, тийисли Министрликлер, мәкеме, кәрханалар ҳәм жәмийетлик шөлкемлердиӊ усынысларына тийкар, Өзбекстан Республикасы Хүкумети қарары менен әмелге асырылады.

Нөкис қаласы ҳәкимлиги Мәлимлеме хызмети

You may also like

Comments are closed.