Мақолалар

“Орта Азия аймағында Рихтер шкаласы бойынша 9-10 балл күшлениўдеги жер силкиниў жүз берди”

Қарақалпақстан Республикасы Нөкис қаласында жүз бериўи мүмкин болған айрықша жағдайларды сапластырыў бойынша Командирлик-Штаб окыўы шынығыўы усы жылдың 25-27 ноябр күнлеринде өткерилиўи белгиленген еди. Бүгин оқыў шынығыўының алдыннан белгиленген режесине тийкар; “Орта Азия аймағында саат 06:30 да Рихтер шкаласы бойынша 9-10 балл күшлениўдеги жер силкиниў жүз берди. Эпицентри қоңсы республика аймағында. 160 км радиус аралығында обектлер толық, 390 км радиуста болса, күшли ҳәм орта дәрежеде зыянланған. Нөкис қаласыда пуқаралық ҳәм эканомикалық обектлер орта дәрежеде зыянланған. Электр ҳәм газ, суў тармағы 31% ға истен шыққан. Айрым автомобил жоллары бузылып, ҳәрекетлениў тоқтап қалған. 5 орында өртлер келип шыққан. Жарақатланған ҳәм набыт болған пуқаралар бар” нәтийжеде саат 07:00 де “ЖЫЙЫН” сигналы жәрияланды ҳәм айрықша жағдайларды сапластырыў бойынша мәмлекетлик дүзилмелерине хабар берилди. Нөкис қаласы ҳәкими – Пуқаралық қорғаў баслығының қарарына тийкар “Жоқары таярлық” режими жәрияланды. Реже тийкарында оқыў шынығыўы басланды ҳамде 3 күн даўам етеди. Командирлик-Штаб оқыў шынығыўына қатнасып атырған мекеме ҳәм шөлкемлердиң айрықша жағдайларды сапластырыўдағы ҳәрекети ҳәмде таярлық дәрежесине баҳа берилип барылады. Пуқаралық қорғаныў талапларына ҳәм ўазыйпаларына немқурайлық пенен қарап, кәте-кемшиликлерге жол қойған мекеме-кәрханалардың ҳәрекетлери сын көзқараста көрип шығылады ҳәмде нәтийжеси бойынша ғалаба хабар қураллары, сондай-ақ социаллық тармақлар арқалы жәрияланып барылады.

Айбек Абдирахманов,
Қарақалпақстан Республикасы Айрықша жағдайлар басқармасы ҒХҚ ҳәм ЖШМБИ топары баслығы,
аға лейтенант

You may also like

Comments are closed.