Янгиликлар

Сенатор Берунийли Юлдузға «Notebook» компьютерин саўға етти

Усы жылдың 26-ноябрь күни Беруний районында «Жаслар дәптери – имканиятлар дәптери» сүрени астында өткерилген жаслар фестивалы шеңберинде болып өткен «Ҳәким ҳәм жаслар» ушырасыўында «Қыят» мәҳәлле пуқаралар жыйыны турғыны Барно Каримова мүрәжатына тийкар, қызы Юлдуз Қўзибоеваға Жаслар ислери агентлиги Қарақалпақстан Республикасы басқармасы баслығы, сенатор Данияров Абатбай Сапарбаевич «Notebook» компьютери менен тәмийинлеўин атап өткен еди.

Күни кеше, сенатор Абатбай Данияров Беруний районында болып, Юлдуз Қўзибоеваға дөретиўшилик жумысларын раўажландырыўы ушын ўәде етилген «Notebook» компьютерин инәм етти.

  • Көрсетилип атырған жәрдем мени және де дөретиўшилик пенен тынымсыз излениўге, қәлемимди еле де өткирлеп поэзия жулдызларының даўамшысы болыўға умтылдырып, жуўапкершилик жүклемекте. Алдағы ўақытлары, бул қоллап-қуўатлаўларға мүнәсип жас екенлигимди дәлийллеўге бар күш-ғайратым менен ҳәрекет етемен, – дейди Юлдуз.

You may also like

Comments are closed.