Олий таълим муассасалари талабаларига стипендиялар тайинлаш ва тўлаш тартиби эълон қилинди

🗂 Талабаларга стипендия тайинлашда давлат гранти, тўлов-контракт асосида таълим олаётган талабалар ҳамда И ва ИИ гуруҳ ногиронлиги бор талабалар учун алоҳида тартиб амал қилади.

📌 Давлат гранти асосида таълим олаётган талабалар:

➖ Биринчи курснинг 1-семестрида стипендиянинг базавий миқдори тўланади;

➖ Кейинги семестрдан бошлаб олдинги семестр натижаларига қараб қуйидаги тартибда стипендия тайинланади ва тўланади:

➖ Барча фанлардан ўзлаштириш кўрсаткичи аъло бўлган талабаларга стипендиянинг базавий миқдори 20%га оширилган ҳолатда тўланади;

➖ Умумий фанларининг 30% ва ундан ортиқ қисмини қониқарли ўзлаштирган, яъни 71 баллдан кам тўплаган талабаларга стипендия тайинланмайди. Тўлиқ давлат таъминотида бўлган етим болалар ва ота-она қарамоғидан маҳрум бўлган болалар сирасига кирувчи ҳамда 1 ва 2-гуруҳ ногиронлиги бўлган талабалар бундан мустасно;

➖ Давлат гранти асосида таълим олаётган қолган барча талабаларга стипендиянинг базавий миқдори тўланади.

📌 Тўлов контракт асосида таълим олаётган талабаларга қуйидаги тартибда стипендия тайинланади ва тўланади:

➖ Контракт асосида ўқиётганлар стипендияли ёки стипендиясиз шаклда ўқиши мумкин;

➖ Контрактдагиларга ўзлаштириш кўрсаткичидан қатъий назар стипендиянинг базавий миқдори тўланади.

➖ Стипендия тегишли тартибда белгиланган контракт суммаси тўланганидан сўнг тайинланади ва тўланади.

📌 I ва II гуруҳ ногиронлиги бор талабалар учун қуйидаги тартибда стипендия тўланади:

➖ I ва II гуруҳ ногиронлиги бор талабалар грант ёки контрактда ўқишидан қатъий назар стипендиянинг базавий миқдорига нисбатан 50%га юқори миқдорда стипендия тайинланади ва тўланади;

➖ Тўлиқ давлат таъминотида бўлган етим болалар ва ота-она қарамоғидан маҳрум бўлган болалар сирасига кирувчи талабаларга стипендиянинг базавий миқдорида стипендия тайинланади ва тўланади.

↘️ Ўзбекистон Республикаси ОТМлари талабалари учун стипендиялар миқдори қуйидагича (сўмда):

• Ўзбекистон Республикаси Президенти давлат стипендияси – 1.811.191;

• Беруний, Ибн Сино, Навоий, Улуғбек, Имом ал-Бухорий, Ислом Каримов ва Камолиддин Беҳзод номидаги давлат стипендиялари – 1.207.461;

• Аъло баҳога ўзлаштирган давлат гранти ва стипендияли контракт асосида таълим олаётган талабалар учун – 513.600;

• Давлат гранти ва тўлов-контракт асосидаги талабалар учун – 428.000;

• I ва II гуруҳ ногиронлиги бор талабалар учун – 632.000;

• Стипендиянинг базавий миқдори суммаси 428.000 сўмни ташкил қилади.

🔹 Сиз ўзингиз олишингиз лозим бўлган стипендияни шу миқдордан келиб чиқиб, юқорида белгиланган қоидалар асосида ҳисоблаб чиқаришингиз мумкин. Мазкур миқдор стипендияларни ошириш ҳақида Президент фармони қабул қилинганида ўзгаради.