Янгиликлар

Жаңа көринистеги жол патрул инспекторы “форма”сы Қарақалпақстанға қашан келеди?

Жол патрул хызмети инспекторлары бүгиннен баслап жаңа көринистеги “форма” менен хызметти баслады, деп хабар бермекте ИИМ Мәлимлеме хызмети. Инспекторлар хызмет кийимлеринен тысқары белги бериў ушын пайдаланылатуғын көп функциялы жизел менен тәмийнленеди. Kar24.uz сайты бул хызмет кийимлериниң Қарақалпақстанда да енгизилиўи мәселеси менен қызықты. Жол ҳәрекети қәўипсизлиги басқармасы баспасөз хызмети қәнигеси, аға инспектор Салаўат Қәллибеков пенен усы мәселеде байланысты.
-Бул жаңа хызмет кийими еле Қарақалпақстанға келмеди. Сынаў сыпатында Ташкент қаласында бүгиннен баслап инспекторлар тәрепинен пайдаланылмақта. Сынақтан жақсы өтсе, Қарақалпақстанға да енгизиледи, – дейди С. Қәллибеков.
Қәнигениң айтыўынша, ҳәзир хызметте пайдаланыў ушын арнаўлы, көп функциялы таяқша ғана Қарақалпақстанға алып келинген.

You may also like

Comments are closed.