Янгиликлар

ДСМ: Байрамда медициналық орынлар “дем алмайды” жумыс ислейди

Мине 2020-жыл жуўмақланып, жаңа – 2021-жыл кирип келиўине де аз қалды. Ҳәзирги ўақытта мәмлекетимизде барлық шаңарақларда Жаңа жыл байрамын күтип алыўға қызғын таярлық көрилмекте.

Халқымыз байрамды арқайын, тыныш, биргеликте күтип алыўында медициналық хызметтиң айрықша орны бар. Байрам күнлери елимиздеги барлық медицина орынларында шыпакер ҳәм орта медицина хызметкерлериниң тийисли нәўбетшилик кестеси тийкарында искерлик жүритиўи жолға қойылады. Демек, байрам күнлери медицина орынлары үзликсиз, күни-түни ислейди.

Соның ишинде, ҳәзирги күнде денсаўлықты сақлаў системасында бар болған медициналық-санитария жәрдемин көрсететуғын амбулатория-поликлиника орынлары ҳәм барлық емлеўханалар, қәнигелестирилген илимий-әмелий медицина орайлары, медициналық жоқары оқыў орынлары клиникаларында медицина хызметкерлери нәўбетшилик тийкарында халыққа хызмет көрсетеди.

Сондай-ақ, қыстаўлы медициналық жәрдем емлеўханалары ҳәм «Тез жәрдем» хызмети, Call-Орайы, туўыў үйлеринде де байрам ҳәм байрамнан кейинги күнлери медицина хызметкерлери халық хызметинде.

You may also like

Comments are closed.