Янгиликлар

Тахтакөпир пуқарасына үйин бузып жаңадан салып берди. Қанлыкөл ше? Қанлыкөлли пуқара жәрдем сорамақта

“Мен Қанлыкөл районы “Бостан” АПЖ турғыны Жолдасбай Қошпанов боламан. Ҳеш кимнен жәрдем сорамас едим, бирақ илажым болмай тур. Себеби, қолым келтелик етип атыр. Я балам, я қызым жоқ, ҳаялым екеўимиз турамыз. Үйим жарамысыз аўҳалға келип қалды. Көп жерлер, адамларға мүрәжат еттим, пайдасы болмай атыр. Адамлар гүў етип келеди де, және жоқ болып кете береди. Илтимас, район ҳәкимлери яки жақсы инсанлар усы үйди жарамлы ҳалатқа алып келиўде жәрдем берсе деген едим”, дейди пуқара өз мүрәжатында.
Жаңа ғана Тахтакөпир районы Дəўир АПЖ турғыны Сердалиева Марьяш турақ жайының насаз жағдайда екенлиги бойынша район ҳəкимлигине мүрəжат етип, пуқараның мүрəжаты үйренип шығылғанлығы, унамлы шешилгенлиги бойынша хабарды оқыдық. Қанлыкөлде Тахтакөпирден қалыспай, пуқарасы ушын “жаным садағаң” деп үйин “аяққа қойыў”ға жәрдем беретуғынлығына исенемиз.

You may also like

Comments are closed.