Янгиликлар

Төрткул: Коды басқа товардики яки пуқара 334 миллион сумлық бажыхана төлеминен ҳеш жаққа “қаша алмады”

Ѳзбекстан Республикасы Әдиллик министрлигиниң 2013-жыл 20-мартдағы 2346-сан менен дизимге алынған «Ѳзбекстан Республикасы аймағына алып кириўде импорт бажыхана бажы ҳәм қосымша қун салығынан азат етилетуғын технологик ускинелер» туурысындағы Инструкция дизиминде келтирилген товарларға қарата бажыхана төлемлеринен жеңиллик қолланылыўы белгиленген.
Айырым исбилерменлик субъектлери тәрепинен усы дизимде көрсетилмеген товарларды алып келип, басқа товар аты менен (Товар номенклатурасы бойынша басқа товарға тийисли код пенен) бажыхана рәсмийлетириўинен өткериўге ҳәрекет етиў, буның нәтийжесинде мәмлекет бюджетине төленетуғын бажыхана төлемлеринен қашып, «жасырын экономика»ның тамыр атыўына урыныў жағдайлары да көп ушыраспақта.
Қарақалпақстан Республикасы бажыхана басқармасы Контрабандаға қарсы гуресиў ҳәм бажыхана аудити бөлими «Төрткул» сыртқы экономикалық байланыс бажыхана посты қәнигелери менен биргеликте «Еркин айланысқа шығарыў» бажыхана режимине дизимге алынып, «сары» өткелге бағдарланған бажыхана жук декларациясы ҳәм де жук гузетиў хужжетлери тексерилди.
Тексериў даўамында басқарманың «Сыртқы экономикалық байланыста тарифсыз қадағалаўды тәртипке салыў ҳәм бажыхана экспертизасы» топары тәрепинен берилген жуўмаққа тийкар, хужжетлерде көрсетилген товарлардиң коды алып келинген товарлар кодына сәйкес емес екенлиги ҳәмде усы товарларды басқа товар аты менен «жеңилликке ийе» товар ретинде рәсмийлестириўге урыныў факты анықланды.
Нәтийжеде бажыхана төлемлеринен 334 миллион сумм мәмлекет бюджетине өндирип алынды.

Қарақалпақстан Республикасы бажыхана басқармасы

You may also like

Comments are closed.