Янгиликлар

Kar24.uz сыны: Қәнигелер машқала орнына барып, кемшиликти сапластырмақта

Kar24.uz сайтында жәрияланған Нөкис қаласы 22-киши районы 8/9 көп қабатлы жайды “суў алып атырғаны” ҳаққында хабар бойынша рәсмий мүнәсибет берилди.
“Бул хабар бойынша Қарақалпақстан Республикасы Үй-жай коммунал хызмет көрсетиў министрлиги Нөкис қалалық бөлими хызметкерлери тәрепинен орнына шыққан ҳалда үйренилип шығылды.
Үйрениў даўамында көп квартиралы турақ жайдың сыртқы коммуникация тармақларынан жертөлеге суў түсип турғанлығы анықланып, ҳәзирги күнде министрлик жанындағы «Оңлаў-тиклеў хызмети» МУК арнаўлы хызмети тәрепинен кемшиликлерди толық сапластырыў бойынша жумыслар алып барылмақта”, дейди Қарақалпақстан Республикасы Үй-жай коммунал хызмет көрсетиў министрлиги мәлимлеме хызмети.
Kar24.uz сайты Қарақалпақстан Республикасы Үй-жай коммунал хызмет көрсетиў министрлиги ҳәм тийисли тараў қәнигелерине шын жүректен рахмет айтады.
Билемиз, қыстың күни суў кешип оңлаў аңсат емес, бундай машқалалар сирә таўсылмайды -да…

Президентимиз айтқанындай, халық разылығы ҳәмме нәрседен қымбат. Солай екен, тараў ўәкиллерине ийгиликли жумысларында табыслар тилеймиз.

You may also like

Comments are closed.