Янгиликлар

Аймақлық перинатал орайы, яғный Республикалық туўыў үйи 31-мартқа шекем жабылады

Қарақалпақстан Республикасы Денсаўлықты сақлаў министрлиги Аймақлық перинатал орайын (I-туўыў ҳәм ҳәмиледарлар патологиясы бөлимлеринен тысқары) 2021-жыл 31-мартқа шекем дезинфекция ҳәм оңлаў жумысларын алып барыў ушын жабыў ҳаққында буйрық қабыл етти, деп хабар бермекте Денсаўлықты сақлаў министрлиги. Қарақалпақстан Республикасы Аймақлық перинатал орайының бөлимлери усы орайға жақын Нөкис қалалық медицина бирлеспеси ҳәм Хожели районлық медицина бирлеспесиниң туўыў бөлимлери, Нөкис районлық медициналық бирлеспесиниң 70 орынлық жаңа имараты, сондай-ақ, Республикалық балалар туберкулёзге қарсы гүресиў санаториясының бос турған имаратларына көширилиўи нәзерде тутылған.
Қарақалпақстан Республикасы Аймақлық перинатал орайын дезинфекциялаў ҳәм оңлаў жумыслары бойынша тийисли мәкеме ҳәм жуўапкер шахсларға тапсырмалар берилген.

You may also like

Comments are closed.