Янгиликлар

Мектеп оқыўшылары арасындағы пән олимпиадасының Қарақалпақстан Республикасы басқышы өткерилди

Усы жылдың 5-10-январь күнлери Нөкис қалалық халық билимлендириӯ бөлимине қараслы 46-санлы қәнигелестирилген мәмлекетлик улыӯма орта билим бериӯ мектеби базасында пәнлер олимпиадасының III (Қарақалпақстан Республикасы) басқышына старт берилген еди. Усы пәнлер олимпиадасына Республикамыздағы билимлендириӯ мекемелериде билим алып атырған 1405 оқыўшы қатнасты. Яғный, 11-класстан 441 оқыўшы, 10-класстан 481 оқыўшы, 9-класстан 483 оқыўшы өз билимин сынақтан өткерди. Нәтийжеде 9-класста 50 оқыўшы, 10-класста 43 оқыўшы, 11-класста 42 оқыўшы жәми болып 135 оқыўшы жеңимпаз деп табылды.

Сыйлы орынлар саны бойынша биринши бесликке Нөкис қаласы, Төрткүл, Қоңырат, Беруний, Әмиўдәрья районлары кирди.

Сондай-ақ, физика, химия, биология, математика ҳәм информатика пәнлериниң ҳәр биринен 1-5-орынларды ийелеген жеңимпаз болған оқыӯшылар халық аралық пән олимпиадасының сайлап алыӯ басқышларында қатнасыӯ имканиятын қолға киргизди.

You may also like

Comments are closed.