Янгиликлар

Енди Ташкентке қатнайтуғын таксилер “пил сүйеги”, ал басқа қала ишиндеги аатомобиллер сары реңге боялыўы шәрт

Өзбекстан Республикасы Министрлер Кабинетиниң 2011- жыл 18-майдағы «Жөнелиссиз таксилер жумысын тәртипке салыў ис-илажлары ҳаққында»ғы 139-санлы қарарының III-пункт, в-бәнтинде қала ишинде жолаўшыларға хызмет көрсетиўши жеңил автомобиллер арнаўлы реңге боялыўы атап көрсетилген.
Атап айтқанда, Ташкент қаласында жөнелиссиз такси хызметин көрсетиўши автомобиллер “пил сүйеги” реңине, ал басқа областлар ҳәм Қарақалпақстан Республикасында халыққа автотранспорт хызметин көрсетиўши женил автомобиллер “сары” реңге боялыўы, арнаўлы мәмлекетлик (ТТ) белгиси ҳәм автомобиль алдынғы есиклеринде танымалы белгилери болыўы шәрт.
Ҳәзирги күнде усындай белгилер менен тәмийинленбеген, ишки ҳәм сыртқы мағлыўматларға ийе болмаған таксилерге лицензия карточкалары берилиўи қадаған етилиўине қарамастан, министрликтиң Ташкент қаласындағы “Чархпалак Логистик” ЖШЖ, Ташкент ўалаятындағы “OPEN LINES” ЖШЖ, Андижан ўалаятындағы “Чархпалак Водий” ЖШЖ ҳәмде Наманган ўалаятындағы “Uzbek-TAKSI” ЖШЖ тәрепинен таксилерге қала ишинде, қала әтирапы хәм қалалар аралық жөнелислерде хызмет көрсетиў ушын НЫЗАМСЫЗ ЛИЦЕНЗИЯ карточкаларын бериўге жол қойылмақта.
Нәтийжеде Қарақалпақстан Республикасында жолаўшы тасыўшы жөнелиссиз такси компаниялары арасында наразылықлар келип шықпақта.

Ҳүрметли кәрхана басшылары, транспорт басқарыўшылары!

Жоқарыда көрсетилген кәрханалар тәрепинен сизге қала иши, қала әтирапы хәм қалалар аралық жөнелислерде хызмет көрсетиў ушын лицензия карточкаларын алып бериўди усыныс еткен жағдайда алданып қалмаўыңызды соранамыз. Себеби бул кәрханалар тәрепинен берилген лицензия карточкалары менен Қарақалпақстан Республикасы аймағында хызмет көрсетиўге рухсат етилмейди.

Қ Р Транспорт министрлиги мәлимлеме хызмети

You may also like

Comments are closed.