Янгиликлар

“Өзбектелеком” АК Қарақалпақстан Республикасы филиалында Сенатор менен ушырасыў болып өтти

Президентимиздиң 2020-жыл 29-декабрьдеги Олий Мажлиске Мүрәжәтнамасы бойынша кеңнен түсиник алыў мақсетинде 2021-жыл 26-январь сәнесинде Өзбекстан Республикасы Олий Мажлиси Сенаторы У.Жалменов қатнасында ушырасыў болып өтти.
Ушырасыўда “Өзбектелеком” АК Қарақалпақстан Республикасы филиалы басшылары, қәнийгелери ҳәм де аудиоселектор арқалы районлық телекоммуникация тармақлары баслықлары қатнасты.
Сенаторымыз тәрепинен Президентимиздиң Олий Мажлиске Мүрәжәтнамасының мазмун-мәниси, тийкарғы бағдарлары, алға қойылған пикирлер, экономикалық ҳәм социаллық тараўларда әмелге асырылыўы керек болған ўазыйпалар ҳәм де оларды нәтийжели әмелге асырыў бойынша кеңнен түсиник берилди.
Қәнийгелеримиз тәрепинен қызықтырған сораўларға жуўаплар алынып, өз-ара пикир алмасыў тәризинде даўам етти.

«Өзбектелеком» АК Қарақалпақстан Республикасы филиалы Малимлеме хызмети.

You may also like

Comments are closed.