ФотофактЯнгиликлар

Нөкис – Ақтаў – Нөкис жөнелиси бойынша авиақатнаўлар әмелге асырыў жолға қойылды ⠀


Усы жылдың 21-июнь сәнесинен баслап «Uzbekistan Airways» АЖ Нөкис-Ақтаў-Нөкис жөнелиси бойынша хәптениң хәр дүйшемби күнлери турақлы қатнаўларды әмелге асырады. Нөкис – Ақтаў жөнелиси бойынша авиабилет баҳасы 1 093 000 сумнан басланады, ал Нөкис – Ақтаў – Нөкис бойынша 1 869 000 сумнан басланады. Буннан тысқары, Ташкент ҳәм Самарқандтан Ақтаўға ҳәм Нөкис арқалы изге туўрыдан-туўры тарифлер енгизилген. Сондай-ақ, «Uzbekistan Airways» АЖ Үргенш-Ақтаў-Үргенш жөнелисинде де хәптесине еки мәрте – дүйшемби хәм жума күнлери турақлы қатнаўларды әмелге асырып атырғанлығын айтып өтиў керек. Мағлыўмат ушын, усы жылдың 28-май күни Қазақстанның “СКАТ” авиакомпаниясы тәрепинен хәптениң хәр пийшемби күни турақлы рейс жолға қойылған еди. Демек, енди биринши, төртинши күнлери Ақтаў қаласына пәрўаз имкәнияты болады.

You may also like

Comments are closed.