Янгиликлар

Көп квартиралы турақ-жайларда жасаўшы социал қорғаўға мүтәж шаңарақларға субсидия ажратылады

2021-жыл 1-октябрден қурылысы питкен ҳәм пайдаланыўға қабыл етилген көп квартиралы турақ-жайды басқарыў биринши еки жылда қурыўшы тәрепинен әмелге асырылады ҳәм усы мүддетке көп квартиралы турақ-жай эксплуатациясының кепиллик мүддети енгизиледи. Ҳәр бир көп квартиралы турақ-жайдың кадастр паспортында көп квартиралы турақ-жайға тутас жер участкасы туўрысында мағлыўматлар мәжбурий тәртипте болыўы шәрт.Буннан тысқары,
2022-жыл 1-январдан мүлк ийелериниң басқарыўшы алдында қарыздарлығы әмелдеги болған тәғдирде, оның муғдары турақ-жайларға болған мүлк ҳуқықын рәсмийлестириўде нотариал кеңселер тәрепинен тийисли шәртнамада сәўлелендириледи ҳәм жаңа мал-мүлкли бул қарыздарлық ҳаққында ескертиледи.
Көп квартирали турақ-жайларда жасаўшы, “Социал қорғаў бирден-бир реестри” информация системасында дизимге алынған социал қорғаўға мүтәж шаңарақларға мәжбурий төлемин толық бериў ушын субсидия ажратылады.
Нызамға көре, төмендеги мәселелер бойынша улыўма жыйналыстың шешими, егер турақ-жай мүлк ийелери ямаса олар ўәкиллериниң 80% көплегени даўыс берсе, қабыл етилген деп есапланады :

  • көп квартирали турақ-жайға тутас аймақларда жаңа объектлерди қурыў ;
    -мүлк ийелери әмел етиўи мәжбурий болған көп квартиралы турақ-жайларда улыўма буйым-мүлкин басқарыўдың талап ҳәм қағыйдаларын тастыйықлаў ;
    -көп квартиралы турақ-жай ушын қарыз ҳәм кредитлерди тартыў.
    2021-жыл 1-августқа шекем жойбар шеңберинде бириктирилген аймақлар, 2022-жыл 1-январға шекем болса пүткил республика аймақларында көп квартирали турақ-жайға хызмет көрсетиў процесине турақ-жай мүлк ийелерисиниң физикалық шахстың жеке идентификация номери ҳәм олардың тийисли мал-мүлки кадастр номеринен пайдаланған ҳалда биллинг системасы енгизиледи ҳәм электрон реестри иске түсириледи.
    2021-жыл 1- июльдан көп квартирали турақ-жайларды басқарыў усылы ширкетлеринен басқарыўшы шөлкемлерге өткен турақ-жайлар ушын кредитлердиң мүддетин, жергиликли ҳәкимликлер кепил адамлығы тийкарында, үш жылға шекем узайтырыў илажлары көриледи.

Ҳәмире Кдирбаева

You may also like

Comments are closed.