Янгиликлар

Қоңыратта аға лейтенантқа пара усыныс еткен шахс қолға алынды

Қоңырат районы ИИБ ҳуқықбузарлықлар профилактикасы топары таяныш пунктлери профилактика инспекторы, аға лейтенант М. Жуманиязовқа Қоңырат районында жасаўшы пуқара М. М. ҳуқықбузарлығы бойынша ҳүжжетлерди судқа жибермей унамлы шешип бериў ушын 1 миллион сумды пара сыпатында усыныс етти. Қарақалпақстан Республикасы ИИМ Баспасөз хызмети хабарына көре, профилактика инспекторы, аға лейтенант М. Жуманиязов министрлик администрациясына бул бойынша арза менен шағым еткен. Соған тийкарланып, 3- июль күни оператив илаж өткерилди. М. М. аға лейтенант М. Жуманиязовқа 930. 000 (тоғыз жүз отыз мың) сум пулды пара сыпатында берип атырған ўақтында қолға алынды. Бул жағдай бойынша Жынаят кодексиниң 211-статьясы 1-бөлими менен жынаят исы қозғатылып, ҳәзирде тергеў ҳәрекетлери алып барылмақта.
Еслетип өтемиз, буннан алдын Нөкистеги «Прогресс» мектеби ҳәм “Тез медициналық жәрдем” орайына жумысқа киргизип беремен деген шахс та усланған еди.

You may also like

Comments are closed.