Янгиликлар

Нөкистеги “Ҳайўанат бағы” жабылмайтуғын болды. Оған да кредит бериледи

“Нөкис ҳайўанат бағы” ЖШЖ қәнигеси социалық тармақларда дуў-дуў гәп болған жағдайға мүнәсибет билдирди. Оның айтыўынша, бурын бул жерде сирә ремонт болмаған, енди басланыпты ремонт. Ҳайўанларға болса қосымша суў келетуғын трубалар исленген. Басқа зоопарк ийелери “жабылыў”ға байланыслы гәплерди еситип, “ҳайўанларды сатың” деп усыныс еткен. Бүгин жабыў аңсат, ашыў қыйын. Нөкис қаласы ҳәкими бул жерге келип, банклерге кредит мәселесинде жәрдем бериўди усыныс еткен.

П/с: Мениң ҳайран қалатуғын нәрсем, неге усы күнге шекем зоопаркке итибар берилмеди? Итибар ушын бүгин тармақта “дуў-дуў” болыў шәрт пе? Бизде өзи зоопарк жалғыз болса, оны қалай болса да сақлап қалыў керек. Кредитте жәрдем бериледи екен. Онысыз да пайданы түйирли көрмейтуғын ЖШЖке кредит неге керек? Ертең оны қалай өз ўақтында жабады? Себеби, ҳәмме де зоопаркке бара бермейди. Базыда мәмлекет ҳайўанат, эко дүньясына қаржы ажыратып турыўы керек, деп ойлаймыз.
Биз болса зоопаркке барыўды умытпайық. Себеби, биз барсақ, сол пулға күн көреди ҳайўанлар. 10 мың сум қай жерде қалмайды.

Қумар Бегниязова

Каналға ағза болыў: 👉 @Kar24uz

You may also like

Comments are closed.