Янгиликлар

Берунийде жасаўшы пуқара көпшиликти “уйықлатты”

Елликқала районы «Дослық» АПЖда турақлы дизимге алынған, бирақ Беруний районында жасаўшы Р.М. усы жылдың басында Беруний районында жасайтуғын Д.К.ға жуўапкер лаўазымда ислейтуғынын билдирип, дәрихана ашыўға жәрдем бериўин айтып, өзиниң жалған ўәделерине исендирген ҳалда 1000 АҚШ доллар пулын алған.Беруний районлық ИИБның мәлим етиўинше, аңсат табылған пулдан кеўли көтерилген Р.М. Хорезм ўәлаятындағы санаторияда дем алыў ушын жатып, ол жерде өзин «тергеўши» сыпатында таныстырып, оған арзын айтқан шыпакерлерден бириниң пулларын өндирип бериўи және басқа да машқалаларды шешип бериўин айтып, оның 1050 АҚШ доллары муғдарындағы пулларын қолға киргизген.
Сондай-ақ, Р.М. ҳәр қыйлы ўәделер менен Беруний районында жасайтуғын И.Ф., У.Р., Ф.Б.ның пуллары ҳәм мүлкин қолға киргизген.
Пуқараларды алдап жүрген бул адамның алдаўлары узаққа бармады, ҳуқық қорғаў уйымлары хызметкерлери тәрепинен қолға алынды. Оған Беруний районлық ИИБ жанындағы Тергеў бөлимшеси тәрепинен Жынаят кодексиниң тийисли статьялары менен жынаят иси ашылып, қамаққа алыў шарасы қолланылды.

You may also like

Comments are closed.