Янгиликлар

Кегейлидеги аварияда еки автомашина соқлығысқан, еки пуқара дүньядан өтти, екеўиде Кегейлиден

Кегейли районы аймағынан өтиўши 4R-178 автомобиль жолыныӊ 3-4 км жүз берген жол транспорт ҳәдийсеси бойынша Қарақалпақстан Республикасы ИИМ ЖҲҚБ Баспасөз хызмети рәсмий мағлыўмат берди.
2021-жыл 10-июль күни, саат 15:25 әтирапында Қарақалпақстан Республикасы Ишки ислер министирлиги жол ҳәрекети қәўипсизлиги басқармасы нәўбетшилик бөлимине келип түскен хабарға көре, саат 14:30 шамасында Кегейли районы аймағынан өтиўши 4R-178 «Қумшүнгил-Темиржол с/т “Қазанкеткен” аўылына автомобиль жолыныӊ 3-4км де 4К-3 «Г» Халқабад айланба жолы кесилиспесинде Шымбай районы «Қамсарық» АПЖ да жасаўшы И.У исимли айдаўшы өзиниӊ атында болған «ГАЗ 5312» маркалы мәмлекетлик белгиси 95U 942 GA болған автомашинасын басқарып киятырып, биринши дәрежели жолдан өз жөнелиси бойлап ҳәрекетленип киятырған Кегейли районы «Ақтуба» АПЖ да жасаўшы 1979-жылы туўылған С.М исимли айдаўшы «Нөкис қаласы ООО «INDIGO TRANS»ға тийисли болған «ISUZU SAZ NP37» маркалы 95 401 МАА болған автомобили менен дүгисип жол транспорт ҳәдийсеси жүз берген. «ISUZU SAZ NP37» маркалы 95 401 МАА транспорт қуралыныӊ ишинде жолаўшы сыпатында киятырған Кегейли районы «Жүзимбағ» АПЖ да жасаўшы 1951-жылы туўылған А.С исимли пуқара Кегейли районы емлеўханасыныӊ жанлантырыў бөлимине жеткерилип алған тән жарақаты нәтийжесинде өзине келместен қайтыс болған ҳәм Кегейли районы Халқабад пасёлкасында жасаўшы 1971-жылы туўылған Ж.Р исимли пуқара алған тән жарақаты нәтийжесинде ўақыя жайында қайтыс болған. «ISUZU SAZ NP37» маркалы 95 401 МАА транспорт қуралы айдаўшысы тән жарақатын алып район емлеўханасына жеткерилген. Бул ўақыя бойынша Кегейли районы ИИБ тергеў бөлими тәрепинен Өзбекстан Республикасы ЖК ныӊ 266 ст 3-бөлими «а» бәнти менен жынаят иси қозғатылып дәслепки тергеў ҳәрекетлери алып барылмақта.

You may also like

Comments are closed.