Янгиликлар

Президент пәрманы менен жасларға қандай жеңилликлер берилмекте?

Шавкат Мирзиёев “Жасларды ҳәр тәреплеме қоллап-қуўатлаў ҳәм олардың социаллық белсендилигин еледе асырыўға тийисли қосымша илажлар ҳаққында”ғы пәрманына қол қойды.
Пәрманға муўапық:
-2021-жылдың августь айында “Темир дәптер”ге киргизилген шаңарақлардың 18 жасқа шекемги ҳәр бир перзентлери (оқыў қураллары, китап, кийим-кеншек) ушын 500 мың сумнан бир мәртелик материаллық жәрдем көрсетиледи. Булар ушын 128 мың балаға Мәмлекет бюджетинен ақша ажыратылады.
-“Темир дәптер”ге киргизилген шаңарақлардың жоқары оқыў орынларында тәлим алып атырған перзентлериниң 2021-2022 оқыў жылында төлеў-контракт суммасы биринши оқыў жылы ушын Мәмлекет бюджети қаржылары есабынан төлеп бериледи.

  • “Темир дәптер”, “Ҳаяллар дәптери”не киргизилген шаңарақ перзентлери ҳәм “Жаслар дәптери”не киргизилген жасларға жаңа турмыс қурып атырғанларға өз шаңарақында қосымша турақ-жай қурыўы ушын 33 млн. сўмға шекем кепилсиз кредит ажратылады. 2 мың жас шаңарақларды турақ-жай сатып алыў ушын басланғыш төлем ҳәм процент төлеўлерине Мәмлекет бюджетинен субсидиялар ажыратылады.
    -2021-жыл 1-сентябрден студентлер ушын Орайлық банктиң тийкарғы процент ставкасы (14 %) муғдарында жеңилликли тәлим кредитлерин бериў енгизиледи.
  • Белгили халықаралық рейтиң агентликлериниң жетекши 500лик дизимине кирген шет ел жоқары оқыў орынларын тамамлаған ямаса оларда илимий дәреже алған жас қәнигелердиң лаўазым ис ҳақысына қосымша төлеў системасы енгизиледи.
  • 2021 жыл сентябрь айынан баслап Ташкент қаласында алдыңғы шет ел тәжирийбе тийкарында Жаслар бизнес мектеби искерлиги жолға қойылып, усы жылда 1, 4 мың жасларға исбилерменлик ҳәм бизнес жүргизиўде жақсы нәтийжелерге ерисиў ҳәм қәўип-қәтерлерден қорғаў усыллары үйретиледи. 2022- жылда Жаслар бизнес мектебиниң республика көлеминдеги филиаллары шөлкемлестириледи.
    -2021-жыл 1-сентябрден жаслардың “Бизнеске биринши қәдем” стартап жойбарлары таңлаўы шеңберинде ҳәр бир район ҳәм қалада 3 жеңимпазларға грантлар бериў әмелияты енгизиледи. Жойбарлардың ҳәр бири ушын 50 млн. сўмлық грантлар бериледи.

You may also like

Comments are closed.