Янгиликлар

Қарақалпақстанға өтип баратырған “суўық курал” тоқтатып қалынды

Өзбекстан Республикасы аймағында әмелдеги нызамшылық талапларына бола, пуқаралық ҳәм хызмет қуралын,тоның оқларын алып кириў ҳәм Өзбекстан Республикасы аймағы арқалы транзит етиў Өзбекстан Республикасы Миллий Гвардиясы арнаўлы рухсатнамалары тийкарында әмелге асырылады. 
13-июль күни нызамшылық талапларына қайшы түрде оқ атар пневматикалық пистолет ҳәм оның оқларын мәмлекетимиз аймағына алып кириўге урынған шахс бажыхана хызметкерлери тәрепинен иркиўге алынды деп хабар бермекте Қарақалпақстан Республикасы бажыхана басқармасы.
Қарақалпақстан Республикасы бажыхана басқармасы “Даўыт-ата” шегара бажыхана посты қәнигелери тәрепинен пуқара Х.А. басқарыўындағы “Форд транзит” маркалы жүк автотранспорт қуралына жүкленген товарлар посттағы рентген үскенеси арқалы бажыхана қадағалаўынан өткерилгенде, ҳүжжетлерде көрсетилмеген ҳәм рухсат бериўши характердеги арнаўлы ҳүжжетлерге ийе болмаған “ПМ49” атлы пневматикалық пистолет ҳәм 357 дана 4,5мм калибрлы пуқаралық спорт пневматикалық пистолети ушын мисленген полат шарлары – оқларын бажыхана қадағалаўынан жасырын түрде республикамыз аймағына алып кириўге урынғанлығы анықланды. 
Усы анықланған факт бойынша ҳәзирде бажыхана тәрепинен тергеўге шекем сорастырыў жумыслары алып барылип атыр.

You may also like

Comments are closed.