Пост хабар

Бас редактор минбери: “Вакцинаға да исенип көрейик”…

“Мен вакцина алдым, сиз ше?” акциясына қосылмай турып, ҳәммесин узақ-түсегине шекем анализлеп алдым. Республикалық “СЭС”ке журналистимди жиберип, сораўларға жуўап алдым. Мени еки сораў қатты қыйнады: бириншиси, вакцина алсам маған ҳеш нәрсе қылмайды ма? Екиншиси, вакцина қанды қойыў етип жиберетуғыны бар гәп пе?
Вакцина салдырған көп адамнан оның тәсирин сорастырдым. Дерлик бәри “әнедей” деп жуўап берди. Интернетимди ашсам, “Мен вакцина алдым, сиз ше?” деген жазыў шығып келе берди. Кеше ашыўым келип, ҳәттеки “Өзиңизди билиң. Мен яқ!” деп челленж де баслаған едим. Мен адамлардың адамлар менен не жумысы бар екен? деп ойладым. Ҳәзир сол ойымды қайтып аламан. Себеби, мен де вакцина алдым. Ҳеш жерим аўырмады, енди журналист сыпатында сөйлеўиме кесент ететуғын “маска”ны тақпайтуғыныма көбирек қуўанып отырман. Әне, биринши доза маған кетти. Сизлерде вакцина мәселесинде егиленип, исенип-исенериңизди билмей жүрген болсаңыз, мәрҳәмат бүгиннен баслап Сизге вакцина мәселесиндеги интервьюлеримизди Kar24.uz сайтында усынып барамыз.
Сол баяғы гәп гәп: “Қорқақ күнде өледи, мәрт бир”…Вакцинаға да исенип көрейик.

Қумар Бегниязова

Каналға ағза болыў: 👉 @Kar24uz

You may also like

Comments are closed.