Янгиликлар

Нөкисте қыз алып қашқан пуқараның автомашинасы мәмлекетке өтип кетти

Жынаят ислери бойынша Нөкис қалалық судының 2020- жыл 24-январь күнги ҳүкимине көре, Т.М хаялдың еркине қарсы түрде некеде болыў ушын урлап, алып қашыў мақсетин гөзлеп, алдыннан алып қашыў режесин дүзип, 2019-жыл 1-сентябрь күни саат шама менен 19:30да  Нөкис қаласы 27-киши районы аймағында пуқара Ж.М менен ушырасып, ол менен cөйлесип болып, пуқара Ж.М.ның ол менен некеде болыўына разы емеслигин айтқанына қарамастан, дүзилген режеге тийкар өз басқарыўында болған ақ реңли «Нексия» маркалы автомашинасын қапталындағы автомашиналар турар майданшасына айдап барып, оның қолларынан услап, қарсылық көрсеткенинен ҳәм наразы екенлигине қарамастан автомашинаның артқы орындығына отырғызып, өзиниң үйине, яғный Нөкис қаласы “Азатлық” көшеси 3-жайдың алдына алып қашып барған.
Суд тәрепинен жынаят иси ҳәр тәреплеме үйренилип шығып, судланыўшы, жәбирлениўши ҳәм гүўлардың көрсетпелери еситип, жынаят иси ҳүжжетлери үйренилип шығылып, тәреплер өз-ара жарасты.
Өзбекстан Республикасы ЖКниң 136-статьясынде нәзерде тутылған жынаятты еткенликте айыпланыўшы Т.М ис ҳақысының 20 пайызын мәмлекет пайдасына услаў жолы менен 2 (еки) жыл мүддетке дүзетиў иси жазасы тайынланды ҳәм 2017-жылда ислеп шығарылған, 50.600.000 сумға баҳаланып, жынаят қуралы деп табылган «ГБА СПГ NEXIA 150 GLE» маркалы автомашина, автомашинаның гилти ҳәм газ орнатылғаны ҳаққындағы сертификаты менен бирге мәмлекет пайдасына өткерилди.

Р.Джуманиязова,
Жынаят ислери бойынша
Нөкис қаласы суды судья жәрдемшиси           
                   

You may also like

Comments are closed.