Янгиликлар

Абитуриенттиң паспорт мағлыўматлары тек бир телефон номерине бириктириледи, екеўине емес…

Айырым абитуриентлер my.dtm.uz сайтында алдын дизимнен өткен болса да қайтадан дизимнен өтиўге ҳәрекет етпекте. Бул ҳаққында Мәмлекетлик тест орайы хабар берди. Абитуриентлердиң паспорт мағлыўматлары тек бир телефон номерине бириктирилгенлиги ушын алдын дизимнен өткен абитуриентлерге оның паспорт мағлыўматлары қайсы телефон номерине бириктирилгени көрсетиледи.
Усы абитуриентлер my.dtm.uz сайтында қайта дизимнен өтиўи шәрт емес ҳәм олар алдын дизимнен өткен телефон номери арқалы системаға кирип пайдаланыўы мүмкин. Абитуриент телефон номерин жойтып алған болса ҳәм телефон номерин қайта тиклеў мүмкиншилиги болмаса, Мәмлекетлик тест орайы ҳәм оның аймақлық бөлимлеринен бирине шахсын тастыйықлайтуғын ҳүжжет пенен мүрәжат етсе, оның телефон номери өзгертип бериледи.

You may also like

Comments are closed.