Янгиликлар

Ноябрге шекем вакцина менен ғалабалық түрде емлениўи шәрт! Кимлер?

Өзбекстан Республикасы Денсаўлықты сақлаў министрлиги Баспасөз хызмети мәлим етиўинше, Республика арнаўлы комиссиясы елимиздеги коронавирус инфекциясы менен байланыслы жағдай шеңберинен кеңейтирилген жыйналыс өткерди.
Оған көре : 
1) 2021-жыл 1-сентябрге шекем 18 жастан үлкен болған төмендеги халық қатламы коронавирус инфекциясына қарсы 1-доза вакциналары;  
2) 1-октябрге шекем 2-доза вакциналары; 
3) 1-ноябрге шекем 3-доза вакциналары менен ғалабалық түрде емлениўи шәрт етип белгиленди.
Олар : 

  • барлық түрдеги хызмет көрсетиў объектлериниң (мәмлекетлик хызметлер орайлары, почта бөлимлери, банклер, лизинг шөлкемлери, нотариуслар,  қамсызландырыў компаниялары,  гөззаллық салонлары,  шаштәрезханалар ҳәм басқалардың) хызметкерлери; 
  • барлық түрдеги саўда объектлериниң (азық-аўқат, хожалық буйымлары, кийим-кеншек дүканларының, дәриханалардың ҳәм басқалардың) хызметкерлери; 
  • спорт мектеплериниң ҳәм спорт имаратларының хызметкерлери; 
  • мәдений, кеўил ашар объектлердиң ҳәм дем алыў орынларының хызметкерлери; 
  • мийманханалардың, үй мийманханаларының, хостеллердиң, отеллердиң,  жатақханалардың ҳәм кемпинглардың жумысшы -хызметкерлери; 
  • жолаўшы тасыў менен шуғылланатуғын мәмлекетлик ҳәм мәмлекетлик емес шөлкемлердиң хызметкерлери; 
  • мәмлекетлик ҳәм мәмлекетлик емес билимлендириў орынларының хызметкерлери; 
  • әскерий хизметкерлер; 
  • улыўма аўқатланыў кәрханаларының, атап айтқанда,  жәмийетлик орынларда жайласқан аўқатланыў шақапшаларының, шайханалар,  тойханалар, кафелер ҳәм ресторан хызметкерлери, сондай-ақ,  өнимлерди жеткизип бериў менен шуғылланатуғынлар; 
  • барлық түрдеги мәмлекетлик ҳәм мәмлекетлик емес медицина ҳәм медициналық социал объектлердиң хызметкерлери; 
  • коммунал хызмет тараўы хызметкерлери; 
  • байланыс ҳәм телекоммуникация объектлериниң хызметкерлери; 
  • мәмлекет ҳәкимияты ҳәм басқарыўы шөлкемлериниң. хызметкерлери;  
  • ҳуқық қорғаў уйымларының хызметкерлери.

You may also like

Comments are closed.