Янгиликлар

Тест сынағы ушын “Неше мәрте төлем қылыў керек? Төлем болса, неге және пул сорайды?”

Атап өтиў керек, тест сынақларын шөлкемлестирип атырған оқыў жылынан алдынғы жылларда оқыў орынларын тамамлаған абитуриентлар тест сынақларында қатнасыў ушын базалық есаплаў муғдарының ярым есеси (122 500 сўм) муғдарында төлеўмди әмелге асырар еди. Тест сынақлары ушын төлемди белгиленген мүддетте әмелге асырмаған абитуриентлер дизимнен өтпеген есапланады ҳәм тест сынақларында қатнаса алмайды. Сол себепли Мәмлекетлик тест орайы тәрепинен абитуриентларге еслетпе ретинде 22-июлға шекем төлемди әмелге асырмаған абитуриентлар тест сынақларында қатнаса алмаўы ҳаққында СМС хабар жибериледи. Бирақ, айырым телеграм каналлары және социаллық тармақлар тәрепинен усы жағдай басқаша додаланбақта: “Неше мәрте төлем етиў керек?”, “Төлем болса, неге тағы төлем соралмақта?”…
Бул жағдайлар бойынша Тест орайы төмендегилерди көрип шығады:
-2021-жыл 20 -21-22-июль күнлери республикамызда дем алыс күнлери деп дағаза етилгенлиги себепли банк кассалары ислемеўи мүмкинлигин инабатқа алған ҳалда Мәмлекетлик тест орайы тәрепинен 19 -июль күни тест сынағы ушын төлемди әмелге асырыў бойынша дағаза берди ҳәм 20-июль күни еслетпе ретинде абитуриентлерге СМС хабар жиберилди. Әлбетте, бул абитуриентлерден артықша төлем өндириў мақсетинде емес, бәлким оларды хабардар етип, оларға қосымша еслетпе бериў мақсетинде әмелге асырылды.
-Мәмлекетлик тест орайының абитуриентлерди онлайн дизимге алыў системасы (mu.dtm.uz сайты ) бирден-бир биллинг системасына интеграция етилген болып, өткен жыллар питкериўшилерине инвойс қәлиплестиреди. Бир инвойс номерине белгиленген муғдар (122. 500 сўм) нан артық төлемди әмелге асырыў мүмкиншилиги жоқ. Яғный, абитуриент төлемди толық әмелге асырған болса, усы инвойс номерине басқа төлем етип болмайды. Бул абитуриентлер тәрепинен артықша төлемниң алдын алады.

  • Абитуриентлер тәрепинен төлем әмелге асырылғанда бирден-бир биллинг системасы тәрепинен Мәмлекетлик тест орайының системасына реал ўақыт режиминде хабар жибериледи ҳәм абитуриентлердиң жеке кабинетинде шөлкемлестирилген инвойс орнында төлем табыслы әмелге асырылғанлығы ҳаққында мағлыўмат пайда болады. Соның менен бирге, абитуриентлердиң телефон номерине бул хаққында СМС хабар да жибериледи.

Ҳәмире Кдырбаева,
Kar24.uz ушын арнаўлы таярлады.

You may also like

Comments are closed.