Янгиликлар

Жаңа оқыў жылынан баслап напақа жасындағы оқытыўшыларға ҳәптесине 6 саат сабақ бериледи ме?

Социаллық тармақларда жаңа оқыў жылынан баслап напақа жасындағы оқытыўшыларға ҳәптесине 6 сааттан сабақ берилиўи бойынша тийкарсыз хабарлар тарқалып атыр. Көпшилик усы мәселеге айдынлық киритип бериўимизди сорап усыныс етти. Демек, бул мәселеге айдынлық
киргизиўге ҳәрекет етемиз:
Соңғы ўақытларда телеграмдағы ҳәр қыйлы топар ҳәм каналларда напақа жасындағы оқытыўшыларды сабақ саатлары менен тәмийинлеў бойынша хабарлар тарқалды. Бул бойынша Президенттиң 2018-жыл 12-декабрдеги ПФ-5597-санлы қарарын тийкар етип келтирилген.
Бул қарарда “ЖОО тамамлаған студентлер көплиги ҳәм искерлигин толық тоқтатқан кәсип-өнер колледжлериниң педагог хызметкерлерин жумыс менен тәмийинлеў мақсетинде напақадағы оқытыўшыларға ҳәптелик 6 сааттан аспаған ҳалда сабақ саатлары менен тәмийинлеў ҳәм олар менен оқыў жылы ушын шәртнамалар рәсмийлестириў зәрүр” екенлиги белгиленген. Бираё, бул хабарлар улыўма ҳақыйқатқа жақын емес. Себеби, Өзбекстан Республикасы Мийнет Кодексиниң 6-статясында барлық пуқаралар мийнет ҳуқықларына ийе болыўы ҳәм олардан пайдаланыўда тең мүмкинликлерге ийе екенлиги, жасы, миллети, тили, социаллық келип шығыўы, мүлкшилик жағдайы ҳәм ҳәмел позицияси, динге болған мүнасәбети, жәмийетлик бирлеспелерине тийислилиги, соның менен бирге хызметкерлердиң искерлик қәбилетлерине ҳәм олар мийнетиниң нәтийжелерине байланыслы болмаған басқа тәреплерине қарай мийнетке тийисли мүнәсибетлер саласында ҳәр қандай шеклеўлерге ямаса жеңилликлер белгилеўге жол қойылмаўы және кемситиў деп есапланыўы өз плдына белгилеп өтилген.
Соны да айтып өтиў керек, ҳәр қандай жағдайдаэ оқытыўшыларға сабақ саатлары Халық билимлендириў министрлиги, Финанс министрлиги ҳәм Денсаўлықты сақлаў министрлиги шешими менен тастыйықланған “Улыўма билим бериў мәкемелеринде классларды комплекслеў ҳәм тәрификация дизимлерин қәлиплестириў тәртиби ҳаққында”ғы қағыйда менен белгилеп берилген үстин туратуғын избе-излик тийкарында бөлистириледи.
Көрсеткишлер бойынша ең жоқары үстинликке ийе болған оқытыўшылар биймәлел максимал бир ярым ставкаға шекем (30 саат ) сабақ алыўы мүмкин. Бунда оқытыўшының жасы улыўма әҳмийетсиз. Сол орында педагог хызметкерлерден бундай тийкарсыз хабарларға исенип қалмаўын сорап қаламыз.

You may also like

Comments are closed.