Кар24га мурожаат йўллаган фуқаро тақдири нима бўлди?

    Аввалроқ Хўжайлилик фуқародан Кар24 га мурожаат келиб тушгани ҳақида хабар берган эдик. Мурожаатдан сўнг туман мутасаддилари фуқаро билан боғланишди.

Ўз мурожаатида “Тиббий дафтарча“си йўқотилгани ва бу сансолорликка сабаб бўлаётгани яъни “Тиббий дафтарча“ни излаб топишда муаммолар туғилаётганини келтирган эди.

23 февраль куни профилактика шифокорлари фуқаронинг уйига бориб, эндиликда йўқолган тиббий карта ўрнига янгиси очилиши ва юритилишини маълум қилишди. Бу ҳақда фуқаро тил хатида ҳам баён қилинган.

Шунингдек, фуқаро ўз тил хатида муолажа ва дори-дармон учун маблағ етишмаслиги, иш топишда ҳам ёрдам беришларини сўраган. Сайтимизга йўллаган мурожаатномасида ҳам бу ҳақида келтириб ўтганди.

Мазкур мурожаат юзасидан иш олиб боришда ҳамкорлик қилаётган туман ҳокимлигига миннатдорчилик билдирамиз. Умид қиламизки, саъй-ҳаракатлар ижобий томонга ўзгариб, муаммолар ҳал бўлади.