Yak. May 26th, 2019

Kar24.uz

Биз ёзишдан олдин ўйлаймиз

Қорақалпоғистоннинг чекка ҳудудларига бориб ишлаган шифокорларга уй, машина, имтиёзли кредит берилади

1 min read

Норматив-ҳуқуқий ҳужжатлар лойиҳалари муҳокамаси порталига жойлаштирилган қарор лойиҳасида ушбу мақсадлар таъкидланган.
Ўзбекистон Республикаси Вазирлар Маҳкамасининг “Қорақалпоғистон Республикасининг олис ва етиб бориш қийин бўлган ҳудудларидаги тиббиёт муассасаларида кадрлар таъминотини яхшилашга доир чора-тадбирлар тўғрисида”ги қарори 2019 йилнинг 4 март куни Норматив-ҳуқуқий ҳужжатлар лойиҳалари муҳокамаси порталига жойлаштирилди.
Қарор лойиҳасида Қорақалпоғистон Республикасининг олис ва етиб бориши қийин бўлган ҳудудларидаги тиббиёт муассасаларида кадрлар таъминотини ва салоҳиятини ошириш мақсадида уларни моддий қўллаб-қувватлаш юзасидан қуйидаги шартлар белгиланмоқда:
• Қорақалпоғистон Республикаси бюджет даромадлари режаси ортиғи билан бажарилиши қисми ҳисобидан олис ва етиб бориши қийин бўлган ҳудудларга ишга борган мутахассисларни 10 йил ишлаб бериш шарти билан уй-жой билан таъминлаш ва 10 йилдан кейин хусусийлаштириб бериш.
Қорақалпоғистон Республикаси Вазирлар Кенгашининг маҳаллий бюджетнинг прогнозга нисбатан ошириб бажарилган қисми ҳисобидан Қорақалпоғистон Республикасининг олис ва етиб бориши қийин бўлган ҳудудларидаги тиббиёт муассасалари ходимларига енгил автомобиллар ва маиший техникалар сотиб олиш учун истеъмол кредитлари ажратиш мақсадида тижорат банкларига йиллик 10 % миқдорида 5 йил муддатга депозит маблағларини жойлаштириш тўғрисидаги таклифи маъқулланмоқда.
Тижорат банклари томонидан ушбу депозит маблағлари ҳисобидан кредит бериш санасида Ўзбекистан Республикаси Марказий банкининг амалдаги қайта молиялаштириш ставкаси миқдорида қуйидаги шартлар асосида истеъмол кредитлари ажратилиши белгиланмоқда: 
• енгил автомобиллар сотиб олиш учун:
кредит муддати – 5 йилгача;кредит бўйича имтиёзли давр – 6 ой;дастлабки бадал – сотиб олинадиган автотранспорт воситаси қийматининг камида 15 фоизи миқдорида;
• маиший техникалар сотиб олиш учун:
кредит муддати – 3 йилгача;кредит бўйича имтиёзли давр – 3 ой.
“Ўзавтосаноат” АЖга Соғлиқни сақлаш вазирлиги томонидан тақдим этиладиган тиббиёт ходимлар рўйхати асосида улар томонидан тижорат банклари кредитлари ҳисобига мамлакатда ишлаб чиқарилган енгил автотранспорт воситаларини сотиб олишда кўмаклашиш тавсия этилмоқда.​​

ЎзА

Fikr bildirish

Email manzilingiz chop etilmaydi. Majburiy bandlar * bilan belgilangan

      KAR24.UZ» сайтида эълон қилинган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин. «KAR24.UZ» Гувоҳнома: №710177. Берилган санаси: 10.04.2019 йил. Муассис: «Kar24» News Media МЧЖ. Электрон манзил: kar24@mail.ru Телефон: +99891 2702198 Сайтда эълон қилинаётган муаллифлик мақолаларида келтирилган фикрлар муаллифга тегишли ва улар Kar24.uz таҳририяти нуқтаи назарини ифода этмаслиги ҳам мумкин.            
Kar24.Uz 2018-2019 | Web dizayner   BekWEB