Ўзини темир тўсиққа урган “Газэл“ ёки Нукус Марказий Деҳқон бозори қошидаги авто ҳалокат

Нукус Марказий Деҳқон бозори қошидаги катта йўл трассасида йўл транспорт ҳодисаси содир бўлди. Ишончли манбаларнинг “Kar24“га хабар беришича, йўл ҳодисаси “Газэл“ иштирокида рўй берган. Яъни “Газэл“ йўқори тезликда келиб, олдида турган “Матиз“нинг орқа қисмига урилмаслик учун ўртадаги темир тўсиққа қарай ҳайдаган. Натижада, “Газэл“нинг олд қисми зарар кўрган. Яна бир маълумотларда, “Газэл“нинг тормизи ишламай қолган дейилмоқда. Мазкур ҳолат бўйича Қорақалпоғистон Республикаси ИИБ ҳали расмий маълумот бермади.