Тахиатошлик ёш шахматчи Бегенч Тўраев “Ёшлар шахмат тахтаси“да ғолиб бўлди

Ўзбекистон ёшлар иттифоқи томонидан ўтказилган “Ёшлар шахмат тахтаси“ турнирининг Республика босқичида Тахиатошлик ёш шахматчи Бегенч Тўраев 15 ёшлилар ўртасида 1-ўринни эгаллади.

– Бу менинг илк ютуғим, – дейди Бегенч Тўраев. -Олдин ҳам Республика мусобақаларида иштирок этганман, лекин ғолиб бўлолмагандим. Бу гал ўз устимда пухта шуғулланиб, ғолибликни қўлга киритдим. Бунда албатта тренерим Тўраев Абдукаримнинг ҳиссаси катта.

Маълумот учун, “Ёшлар шахмат тахтаси“ турнирининг Республика босқичида Қорақалпоғистондан жами 12 иштирокчи қатнашди.