Yak. May 26th, 2019

Kar24.uz

Биз ёзишдан олдин ўйлаймиз

Ўзбекистонда менингит аҳоли ўртасида кенг тарқалгани ростми?

1 min read

Ўзбекистонда менингит касаллиги тарқалганлиги ҳақида ижтимоий тармоқларда хабарлар пайдо бўлгач, Соғлиқни сақлаш вазирлиги ўрганиш ишлари олиб борди. Аниқланишича, 21 ёшли фуқаро менингит хасталигидан вафот этган (қаерда, қачон — буниси айтилмаган). «Сабаби эса тиббий ёрдамга кеч мурожаат этганлиги билан боғлиқ», — дейилади вазирлик ахборотида.

Соғлиқни сақлаш вазирлигидан маълум қилишларича, менингит мавсумий касаллик бўлиб, Ўзбекистонда учраб туради ва ҳар йили 5 тадан 10 тагача қайд этилиши мумкин. Жорий йилнинг ўтган даврида ҳаммаси бўлиб, 17 нафар фуқаро ушбу касалликда гумон қилинган. Уларнинг 6 нафарида лаборатория текшируви орқали касаллик тасдиқланган, деб ёзмоқда Ўзбекистон 7 кун.

«Айни пайтда ўткир респиратор касалликлар яъни, фарингит, назофарингит каби хасталикларга чалинган фуқаролар орасида касалликни эрта аниқлаш бўйича тиббиёт ходимларининг ҳушёрлиги оширилган. Олиб борилган саъй-ҳаракатлар туфайли ушбу ҳолат Соғлиқни сақлаш вазирлигининг тўлиқ назорати остида. Энг муҳими, менингит аҳоли ўртасида кенг тарқалмаган, эпидемик вазият барқарор», — дея баёнот бермоқда вазирлик.

«Шу ўринда алоҳида таъкидлаш жоизки, менингит хавфли касаллик эмас. Агар у илк босқичларда аниқланса, ушбу хасталикдан осон фориғ бўлинади. Шунинг учун аҳолининг бундан хавотирга тушишига ҳожат йўқ», – дейди вазирлик бош эпидемиологи, Республика эпидемиология, микробиология ва юқумли касалликлар илмий текшириш институти директори Нурмат Атабеков.

Fikr bildirish

Email manzilingiz chop etilmaydi. Majburiy bandlar * bilan belgilangan

      KAR24.UZ» сайтида эълон қилинган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин. «KAR24.UZ» Гувоҳнома: №710177. Берилган санаси: 10.04.2019 йил. Муассис: «Kar24» News Media МЧЖ. Электрон манзил: kar24@mail.ru Телефон: +99891 2702198 Сайтда эълон қилинаётган муаллифлик мақолаларида келтирилган фикрлар муаллифга тегишли ва улар Kar24.uz таҳририяти нуқтаи назарини ифода этмаслиги ҳам мумкин.            
Kar24.Uz 2018-2019 | Web dizayner   BekWEB