Талончилар тўғридан-тўғри эфирда бошловчи ва радиостанция меҳмонларини тунашди

Талончилар тўғридан-тўғри эфирда бошловчи ва радиостанция меҳмонларини тунашди, дея хабар қилмоқда The Telegraph нашри.
Бразилиянинг Сан-Паулу шаҳрида бир гуруҳ шахслар SOT радиостанциясига ўзларини пицца етказиб берувчи деб киришади.

Улардан бирида қурол бўлган.
Жиноятчилар тўғридан-тўғри эфирга узатилаётган радиоэшиттириш студиясига кириб боришган.
Туновчиларга эшикни очган радиостанция раҳбари Алессандро Сантос (Alessandro Santos)нинг айтишича, студиядагилар аввалига қўрқиб кетишган, кейин қўлларини кўтаришган. Талончилар эса уларнинг қимматбаҳо буюмлари, пулларини шилиб олишган.
Ҳозирда полиция талончилик акс этган видеоёзувни ўрганмоқда.

Манба: “Даракчи” газетаси