Yak. May 26th, 2019

Kar24.uz

Биз ёзишдан олдин ўйлаймиз

«Гарнизон биринчилиги» чемпионати ва «Ёш ёнғин ўчирувчи» мусобақалари ўтказилди

1 min read

Қорақалпоғистон Республикаси Ички ишлар вазирлиги, Жисмоний тарбия ва спорт вазирлиги, Халқ таълими вазирлиги, Касб-ҳунар таълими бошқармаси, Ёшлар иттифоқи марказий Кенгаши ва «Динамо» ЖТСЖ раисининг 2019 йил 11 январдаги «Ёнғин ўчириш амалий спорти бўйича 2019 йил давомида ўтказиладиган оммавий спорт тадбирлари режаси»га ҳамда Қорақалпоғистон Республикаси Ёнғин хавфсизлиги бошқармаси бошлиғининг 2019 йил 10 май кунги буйруғига мувофиқ, жорий йилнинг 14 май куни Бошқарманинг шаҳар-туман ёнғин хавфсизлиги бўлим ва бўлинмалари ходимлари ўртасида «Ёнғин ўчириш амалий спорти» бўйича «Гарнизон биринчилиги» чемпионати ва «Ёш ёнғин ўчирувчи» мусобақалари ўтказилди. Мусобақага Қорақалпоғистон Республикаси Ёнғин хавфсизлиги бошқармасининг шаҳар-туманлардаги ҳарбийлаштирилган ва касбийлаштирилган ёнғин хавфсизлиги қисмларидан жами 26 та терма жамоалар ҳамда Қорақалпоғистон Республикаси шаҳар-туманлардаги касб-ҳунар колледжилари ва академик лицей ўқувчиларидан жами 13 та терма жамоалар қатнашди.

Умумжамоалар ҳисобида ҳарбийлаштирилган ёнғин хавфсизлиги қисмлари орасида, Хўжайли тумани 3-сонли ҲЁХҚ жамоаси 1-ўринни, Тахиатош ИЭС 4-сонли ҲЁХҚ жамоаси 2-ўринни ва Нукус шаҳар 1-сонли ҲЁХҚ жамоаси 3-ўринни эгалашга эришди.

Касбийлаштирилган ёнғин хавфсизлиги қисмлари орасида Беруний тумани 2-сонли КЁХҚ жамоаси 1-ўринни, Мўйноқ тумани 8-сонли КЁХҚ жамоаси 2-ўринни ва Элликқалъа тумани 1-сонли КЁХҚ жамоаси 3-ўринни эгаллашга эришди.

Қорақалпоғистон Республикаси шаҳар-туманлардаги касб-ҳунар коллежлари ва академик лицей ўқувчилари орасида, Нукус спорт коллежининг терма жамоаси 1-ўринни, Хўжайли Алоқа колледжининг терма жамоаси 2-ўринни, Қўнғирот Саноат колледжининг терма жамоаси 3-ўринни эгаллашди.

Мусобақа ғолиблари Қорақалпоғистон Республикаси Ёнғин хавфсизлиги бошқармаси ҳамда Ёшлар иттифоқи Марказий кенгаши томонидан тайёрланган диплом ва эсдалик совғалари билан тақдирланди.

Тен Максим,
ҚР ЙХБ бошқармаси бошлиғи,
подполковник.

      KAR24.UZ» сайтида эълон қилинган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин. «KAR24.UZ» Гувоҳнома: №710177. Берилган санаси: 10.04.2019 йил. Муассис: «Kar24» News Media МЧЖ. Электрон манзил: kar24@mail.ru Телефон: +99891 2702198 Сайтда эълон қилинаётган муаллифлик мақолаларида келтирилган фикрлар муаллифга тегишли ва улар Kar24.uz таҳририяти нуқтаи назарини ифода этмаслиги ҳам мумкин.            
Kar24.Uz 2018-2019 | Web dizayner   BekWEB