Журналистик суриштирув

Балаға 40 грамм нан бериў жетерлиме яки бул жағдайға тараў қәнигелериниң мүнәсибети

Kar24.uz интернет сайтында 2020-жыл 5-февраль күни “29-сон мактабгача таьлим муассасида 40 грамм нон берилади, сўрасак йўқ дейди”…  атамасында мақала жәрияланған еди. Мақалада Қоӊырат районы, «Қарақалпақстан» посёлкасында жайласқан 29-санлы мектепке шекемги билимлендириў шөлкеминдеги топарларда тәрбияшылардың жоқлығы, балаларының “полиция, полиция” ойнайтуғынлығы, бақшадағы ҳәр бир балаға 40 грамм нан берилетуғынлығы айтып өтилген. Бул бойынша, тараў қәнигелери менен биргеликте үйренип шыққанымызда, Қоңырат районы мектепке шекемги билимлендириў бөлими баслығы ў.ў.а  Р.Ишмуратов  төмендегилерди мәлим етти:

Бул мектепке шекемги билимлендириў шөлкеминиң штатында 6 топар ушын 9 бирлик тәрбияшы штаты ажыратылған болып, ҳәзирде 1 тәрбияшы мийнет дем алысында, 8 тәрбияшы ҳәм 7 тәрбияшы жәрдемши толығы менен өз орынларында жумыс алып бармақта.

2018-жыл 27-апрель күнги СанПиН  №0348-17-санлы санитария қағыйда нормалары ҳәм гигиена нормативлериниң өзгертилген қосымшасында Өзбекстан Республикасы мектепке  шекемги билимлендириў шөлкемлеринде тәрбияланыўшыларды саламат ҳәм қәўипсиз аўқатландырыўды шөлкемлестириўге қаратылған гигиена талапларында 3 жастан 7 жас аралығындағы тәрбияланыўшыларға нанның күнлик нормасы 110 грамм деп белгиленген. Нан өнимлери ҳәр күнги  аўқатланыў режими тийкарында ҳәм ҳәр мезгилдеги аўқаттың ун өнимлеринен таярланғанлығына қарап азанғы ўақытта 30-35 грамм, түски мезгилде 40-45 грамм, екинши түсликке 30-35 грамм берилиўи мақсетке муўапық болады. Сол себепли Kar24.uz телеграм каналында тәрезиге өлшенип көрсетилген көринисте жоқарыдағы СанПиН нормасына тийкар, туслик аўқат ўактында белгиленген 40 грамм нан өними норматив бойынша берилген. Ҳәзирги күнде мектепке шекемги билимлендириў шөлкемлеринде тәрбияланыўшыларды нан өними менен тәмийинлеўде машқала жоқ.

Мақалада балалардың “полиция, полиция” ойнайтуғынлығы ҳаққында айтып өтилген. Бул бойынша Өзбекстан Республикасы Президентиниң 2019-жыл 13-декабрьдеги “Өзбекстан Республикасы Қураллы Күшлери дүзилгенлигиниң 28 жыллығы ҳәм Ўатан қорғаўшылар күнин белгилеўге таярлық көриў ҳәм өткериў ҳаққында”ғы ПП-5529-санлы Пәрманына тийкар шөлкемде 9202 1–Әскерий бөлим хызметкерлери қатнасында байрам иләжлары өткерилген. Буннан басқа барлық мектепке шекемги билимлендириў шөлкемлеринде “Дәслепки қәдем” мәмлекетлик дәстурине муўапық тәрбияшылардың жыллық ис режелерине тийкар январь айының екинши ҳәптесинде “Ўатан қорғаўшылар күни” темасында шынығыўлар өткерилди. Бул иләжларда бақша тәрбияланыўшылары арасында ҳәр түрли таңлаўлар болып өтти. Тәрбияланыўшылардың “полиция,полиция” ойнаймыз, деп айтыўы усы иләжлар менен байланыслы. (Бул бойынша өткерилген иләжлардан фото көринислер)   Келешегимиз болған жасларды кәмил инсан етип тарбиялаў мақсетинде ҳәм де райондағы барлық мектепке шекемги билимлендириў шөлкемлериниң санитария гигиена жағдайын, сыпатлы азық-аўқат өнимлери менен тәмийинлениўи, тәлим-тарбия процессин қадағалаў мақсетинде турақлы түрде мониторинг үйрениў жумыслары алып барылмақта.

Қоңырат районы ҳәкимлиги Мәлимлеме хызмети

You may also like

Comments are closed.