Сб. 30 мая, 2020

Kar24.uz

Янгиликлар биздан бошланади

Бюро “Халқабад пахта тазалаў” акционерлик жәмийетинен 800 млн. сумнан артық салық қарыздарлықты өндирди

Усы жылдың 8-май күни Мәжбүрий орынлаў бюросы Кегейли районы бөлими ис жүритиўине қарыздар “Халқабад пахта тазалаў” акционерлик жәмийетинен Кегейли районы Мәмлекетлик салық инспекциясы пайдасына 201 млн. 253,1 мың сўм өндириў ҳәмде 12-май күни усы жәмийеттен 601 млн. 253,1 мың сўм жәми болып 802 млн. 506,3 мың сўм салық қарыздарлығын өндириў бойынша орынлаў ҳүжжетлери келип түскен ҳәм сол күнниң өзинде орынлаў исин жүритиў ҳаққында қарар қабыл етилген.
Жоқарыда атап өтилген орынлаў ҳүжжетлериниң орынланыўын тәмийинлеў мақсетинде, тийисли тәртипте мәжбүрий ҳәрекетлер көрилип, қарыздар жәмийеттиң айырым есап бетлеринлеги қәрежетлери анықланған.
Соннан кейин, бөлим мәмлекетлик орынлаўшысы тәрепинен банк шөлкемлерине сораўнама менен шығылып, тийисли тәртипте бәрше есап бетлерин хатлаў арқалы, қарыздар жәмийеттиң қәрежетлери Бюроның Кегейли районы бөлими арнаўлы есап-бетине өндирилди ҳәмде 15-май күни районлық Мәмлекетлик салық инспекциясы есап-бетине толық өткерип берилди ҳәм сол арқалы ҳәзирги карантин шараятында Республика бюджетине өзлериниң азда болса үлесин қосты.