Сб. 30 мая, 2020

Kar24.uz

Янгиликлар биздан бошланади

«Сақаўат ҳəм жəрдем» акциясында депутат шаңарақларға гɵш, азық-аӯқат ɵнимлери, медициналық нықаплар ҳəм қолғаплар тарқатты

Президентимиздиң басламасы менен қутлы Рамазан айында «Сақаӯат ҳəм жəрдем» улыӯма халықлық ҳəрекети шɵлкемлестирилген болып, карантин дəӯиринде азық-аӯқат ɵнимлеринен қыйналып атырған, кем тəмийинленген шаңарақларға депутатлар ɵзлериниң қайырқомлық илажларын даӯам етпекте. Ҳәзиргидей карантин дәўиринде халқымыз арасындағы жәрдемге мүтәж шаңарақларды социаллық жақтан қоллап-қуўатлаў бүгинги күнниң ең әҳмийетли ўазыйпаларынан бири болып есапланады.

Халық депутатлары Нɵкис калалық Кеңесине Ɵзбекстан «Адолат» СДПнан сайланған депутат Улбосын Сейтжанова Нɵкис қаласы «Дослық» ҳəм «Ɵрнек» МПЖ аймағында жасаӯшы кем тəмийинленген ҳəм жəрдемге мүтəж шаңарақларға гɵш, азық-аӯқат ɵнимлери, медициналық маскалар ҳəм қолғаплар тарқатты. Сондай-ақ, карантин қағыйдаларына әмел етиӯ бойынша үгит-нәсият жумысларын алып барды.