Пн. Июл 6th, 2020

Kar24.uz

Янгиликлар биздан бошланади

Министр Әмиўдәрья районына хызмет сапары менен барды, жәрдемге мүтәж шаңарақлардан хабар алды

Қарақалпакстан Республикаси Министрлер Кеңеси баслығының орынбасары, Мәҳәлле ҳәм шаңарақты қоллап-қуўатлаў министри Сағындық Турманов хызмет сапары менен Әмиўдәрья районында болды.
Ол дәслеп районлық Мәҳалле ҳәм шаңарақты қоллап-қуўатлаў бөлиминиң хызметкерлери менен сәўбетлесип, бул системаны еледе жақсылаў бойынша қәнийгелерге тапсырма ҳәм ўазыйпалар берди.
Илаж барысында АПЖ, МПЖ баслықлары менен де ушырасып, райондағы аўыл ҳәм мәкан пуқаралар жыйынларында алып барылып атырған жумыслар менен жакыннан танысып шықты. Соның менен бирге министрлик жумысын дурыс жолға қойыўда жергиликли пуқаралардың өзин-өзи басқарыў уйымлары хызметкерлери алдында турған ўазыйпаларға кең түрде тоқтап өтти. Сондай-ақ, аймақтағы бир қатар АПЖ ҳәм МПЖ имаратларының материаллық-техникалық базасын көзден өткерди.


Буннан соң, ҳазирги карантин даўиринде социаллық жәрдемге мүтәж шаңарақлардың ҳалынан хабар алды.